Netflix паведаміла, што купляе Warner Bros. Discovery з ацэнкай акцый кампаніі ў $27,75. Агульная вартасць здзелкі — прыкладна $82,7 мільярда.
Завяршыць здзелку плануюць пасля таго, як Warner Bros. адасобяць Discovery Global у новую публічную кампанію. Гэта павінна адбыцца ў трэцім квартале 2026 года.
Угода, акрамя набыцця Warner Bros., таксама дае Netflix кантроль над тэлевізійнымі і кінатэатральнымі студыямі кампаніі, а таксама над HBO і HBO Max.
Каталог стрымінгавай платформы папоўняць такія шоу, як «Тэорыя вялікага выбуху», «Клан Сапрана», «Гульня тронаў», «Чараўнік краіны Оз», фільмы па матывах коміксаў DC і іншыя.
«Наша місія заўсёды палягала ў тым, каб забаўляць свет», — сказаў Тэд Сарандас, сустаршыня Netflix.
«Аб’яднаўшы неверагодную бібліятэку серыялаў і фільмаў Warner Bros. — ад бяссмяротных класічных твораў, такіх як «Касабланка» і «Грамадзянін Кейн», да сучасных любімых фільмаў, такіх як «Гары Потэр» і «Сябры», — з нашымі творамі, якія вызначаюць культуру, такімі як «Вельмі дзіўныя справы», KPop Demon Hunters і «Гульня кальмара», мы зможам зрабіць гэта яшчэ лепш. Разам мы можам даць гледачам больш таго, што яны любяць, і дапамагчы вызначыць наступнае стагоддзе апавяданняў».
-
«Скончыце ўжо гэту бойню». Рэжысёр Звягінцаў атрымаў Гран-пры Канскага фестывалю і звярнуўся са сцэны да Пуціна
-
«Спачатку жанчыны»: у гэтым фільме жанчыны кіруюць светам, а мужчыны вучацца быць спакуслівымі, каб зрабіць кар’еру
-
«Мінатаўр» Андрэя Звягінцава — антываенная драма, якую стоячы віталі ў Канах
Каментары