Прэзідэнт ЗША сёння павінен прайсці планавы агляд у ваенным шпіталі Walter Reed пад Вашынгтонам.
14 чэрвеня яму споўніцца 80 гадоў, і гэта ўжо трэцяя праверка здароўя за 13 месяцаў. Белы дом настойвае, што Трамп знаходзіцца ў «выключным» стане, аднак частыя візіты да лекараў зноў выклікалі абмеркаванне яго здароўя, піша Bild.
Падставай для пытанняў стала ў тым ліку КТ, зробленая падчас мінулага візіту, плямы на руках, ацёкі шчыкалатак і нядаўні чырвоны сып на шыі. Асабісты ўрач Трампа раней тлумачыў ацёкі вянознай недастатковасцю, а яго прадстаўнікі звязвалі сінякі з прыёмам аспірыну і частымі поціскамі рук. Урач Пол Хазер казаў Bild, што сып можа быць праявай псарыязу.
У ЗША таксама спрачаюцца пра стан Трампа не толькі фізічна, але і ментальна. Пасля рэзкіх начных публікацый у Truth Social крытыкі зноў загаварылі пра яго непрадказальнасць.
Каментары