Аўтар «Мінатаўра» пагадзіўся з Пясковым, што ў яго «няма права голасу». Таму што ў цяперашняй Расіі яго няма ні ў кога
Прэс-сакратар прэзідэнта Расіі Уладзіміра Пуціна Дзмітрый Пяскоў адмовіўся перадаваць свайму начальніку словы рэжысёра фільма «Мінатаўр» Андрэя Звягінцава, сказаныя ім падчас уручэння ўзнагароды ў Канах, з заклікам спыніць вайну ва Украіне. Маўляў, у рэжысёра «няма права голасу». Той пагадзіўся — сапраўды няма, піша «Медуза».
На брыфінгу 25 мая Пяскоў заявіў:
«Звягінцаў ніколі не асуджаў крывавую бойню, якую ўчыніў кіеўскі рэжым на Данбасе. Пачынаючы з 2014 года, калі пачалася вайна, вось калі б ён тады гэта рабіў, напэўна, у яго было б права голасу. А зараз у яго такога права няма».
Андрэй Звягінцаў самога факту адсутнасці у сябе права голасу ў вачах расійскіх уладаў не стаў, але звярнуў увагу на іх крывадушнасць:
«Так, абсалютна правільна — няма ў мяне права голасу, як няма яго сёння ў сотні мільёнаў расіян. Таму што вы ніколі і не чулі іх голас. Бандэрлогамі вы лічылі сваіх суграмадзян і ў 2008-м. І ў 2011-м. І ў тым жа хітрым 2014-м. А далей з усімі прыпынкамі.
І вось ужо наш з вамі агульны магутны цягнік набліжаецца да станцыі «тупік». І цяпер — паводле майго сціплага меркавання — усё, што было б адзіна правільным, рацыянальным і нават збаўчым цяпер для цэлай краіны — не размаўляць, адводзячы ад гнязда; не задаваць грамадзяніну сваёй краіны крывадушнага пытання з 2022-га: «Дзе вы былі апошнія 8 гадоў?». А дзейнічаць з прынцыпу тут і цяпер: завяршаць гэтую бессэнсоўную і бязлітасную вайну.
Нічога, акрамя гора і слёз; акрамя расчаравання і дэпрэсіўнай апатыі; акрамя адарваных канечнасцяў вашых суграмадзян у імя прывіднай мэты; акрамя знішчэння маладых людзей, патрэбных краіне для будаўніцтва жыцця і будучыні. Нічога добрага наперадзе не чакае, калі не спыніцца».
Каментары