O proxecto Babel é un proxecto internacional que permite informar a un wikipedista das capacidades lingüísticas doutros.
Non todos os usuarios e colaboradores desta Wikipedia falan e/ou escriben na mesma lingua. Para axudar a comunicarse, por favor clasifíquese a si mesmo segundo o coñecemento que teña das distintas linguas, engadindo a súa páxina de usuario ás categorías correspondentes. Por exemplo, para a lingua galega: gl, para o inglés en, de para ao alemán, pt para o portugués, es para o castelán e así sucesivamente. Como información adicional, os colaboradores poden especificar o nivel de coñecemento da lingua:
1 significa coñecemento básico: a habilidade de entender e respostar cuestións sinxelas ou comprender textos nunha lingua.
2 significa coñecemento intermedio: a hablidade de entender perfectamente a lingua e poder intervir nas discusións.
3 significa coñecemento avanzado: a habilidade de escribir sen problemas e corrixir ortografía e erros gramaticais nunha lingua.
4 significa coñecemento a nivel de lingua materna, pero sen ser a primeira lingua de uso ou a súa lingua familiar.
A ausencia de código numérico indica que se trata da lingua materna do usuario.
Así, de-1 identifica a un colaborador cun coñecemento básico de alemán e gl-3 identifica a un usuario cun nivel avanzado de galego. As dúas letras do código da lingua son os mesmos códigos que os descritos en ISO 639. (Véxase a lista completa de linguas coa súa propia Wikipedia.)
Como engadir o seu nivel de coñecemento dunha lingua á súa páxina de usuario
Segundo o número de linguas que coñeza debe usar o modelo de marcador chamado Babel seguido do número de linguas que coñeza e os seus códigos correspondentes:
Comézase escribindo {{Babel-.
Despois engada o número de linguas que queira asignar ao seu modelo para visualizar, seguido do signo | (ata agora o sistema que deseñamos admite como máximo dez linguas pero se vostede coñece máis poden crearse novos marcadores para incluílas).
ex. {{Babel-3| para tres linguas
A continuación hai que escribir os códigos das linguas que vostede fala, separados por |, onde xx é o código da Wikipedia para a lingua:
xx-1 para nivel básico
xx-2 para nivel intermedio
xx-3 para nivel avanzado
xx-4 para nivel de case lingua materna
xx lembre se se trata da súa lingua materna ou ten un coñecemento comparable non necesita engadir ningún número.
Remate pechando as chaves: }}
Dese xeito, por exemplo, {{Babel-2|gl|de-1}} indica un galegofalante con coñecementos básicos de alemán.
{{Babel-4|gl|en-3|fr-2|it-1}} indica galegofalante cun nivel de inglés avanzado, nivel intermedio de francés, e coñecemento básico de italiano.
Vostede tamén pode engadir outros modelos de linguas seguindo o formato {{User xx-1}}.
Vostede tamén pode clasificarse como galegofalante mediante {{User gl}}, que inclúe automaticamente a páxina na categoría Usuario gl-N.
