Oavelgem

Oavelgem (officieel Nederlands: Avelgem) ès 'n gemêente in 't uterste zudoostn van West-Vloandern. Z'é oungeveer 9.600 ènwoners.

Gemêente Oavelgem
Liggienge binn 't arroundissement Kortrik in de provincie West-Vloandern 🌍 50°46′31″N 3°26′39″O
Geografie
Gewest	Vloandern
Provincie	West-Vloandern
Arroundissement	Kortryk
Ippervlak	21,75 km²
Inweuners (Bron: NIS)
Inweuners	10.065 (01/01/2018)
• Vintn	49,29%
• Vrouwn	50,71%
Bevolkiengsdichtheid	462,76 inw./km²
Leeftydsipbouw (01/01/2013)	0–17 joar: 19,84% 18–64 joar: 61,69% 65+ joar: 18,47%
Buutnlanders	3,06% (01/01/2018)
Weirklôoseidsgroad	3,38% (01/10/2018)
Polletiek
Burgemêester	Lut Deseyn (Gemeentebelangen)
Coaliesje	Gemeentebelangen, Team Avelgem
Zetels Gemeentebelangen Team Avelgem Tandem	21 (2024-2030) 11 6 4
Dêelgemêentn me postcode
Postcode Dêelgemêente 8580 8581 8581 8582 8583 Oavelgem Kerkove Woarmoarde Outryve Bossuut
And're info
Zonenummer	056
Webadres	www.avelgem.be

Oavelgem ligt an de Schelde en grenst an Ôost-Vloandern. De dêelgemêentn zijn Outryve, Kerkove, Bossuut en Woarmoarde. Den burgemêester ès sedert 2019 Lut Deseyn (Gemeentebelangen), dervôorn wos't Lieven Vantieghem van de CD&V.

Oavelgem es ôok en centrumgemêente in en relatief ofgelegen gebied en is doardeure bekend vô zyn college en atheneum.

Kerke van Oavelgem

Attraksies

Kykt noa Bouwkundig erfgoed in Oavelgem

Èn de gemêente zijn der vil meugelijk'eden vur te fietsn en te sportn. Vur de rest is ter nog 't Kastêel van Bossuut en een poar andere monumentn lik de Tombêelmeuln in Outryve. Ieder joar vèndt er in Oavelgem Krakrock ploatse, een muziekfestival.

Economie

Tussen 't centrum en de brugge no Schalafie ligt er e ferme industriezone mé onder andere e grwoate tapietfabrieke en 2 vu vinylvloeren en ook een koaje langst de Skelde wo danze containers kunnen overloan van bwoaten.

Bekende Oavelgemneirs

• Bert De Graeve: (oudn) boas van de VRT.

Varia

• De noame Oavelgem ès surtout gekend van Gerard Vermeersch, mee zyne sketch Oavelgem en de weug noa de Kwoaremongberg in d'angrenzende gemêente Kluusbergen.
• Stijn Streuvels, die lange in Oavelgem geweund è als bakker, èt den boek De teleurgang van de Waterhoek geschreven over 't leven en de reacties in ne wyk van Oavelgem by de Schelde, genoamd den woateroek, ip den bouw van e nieuwe brugge. In 't echt noemt die wyk: Rugge. In 1971 es da boek ton ôok nog verfilmd gewist me Jan Decleir en Willeke Van Ammelrooy.

Externe koppelienge

• Officiële website van de gemêente

Ofbeeldiengn die ier by passn ku je vien in de categorie Avelgem van Wikimedia Commons.