Lendlee

Lendlee (Nederlands: Lendelede) is e plekke en gemêente in de provincie West-Vloandern. Der weun e goe 5800 mensn. De burgemêester Carine Dewaele i van de CD&V. Lendlee ligt nevenst Yzegem en Kuurne.

Gemêente Lendlee
Liggienge binn 't arroundissement Kortryk in de provincie West-Vloandern 🌍 50°53′9″N 3°14′14″O
Geografie
Gewest	Vloandern
Provincie	West-Vloandern
Arroundissement	Kortryk
Ippervlak	13,15 km²
Inweuners (Bron: NIS)
Inweuners	5.742 (01/01/2018)
• Vintn	49,44%
• Vrouwn	50,56%
Bevolkiengsdichtheid	436,65 inw./km²
Leeftydsipbouw (01/01/2013)	0–17 joar: 18,88% 18–64 joar: 61,31% 65+ joar: 19,81%
Buutnlanders	2,51% (01/01/2018)
Weirklôoseidsgroad	3,64% (01/10/2018)
Polletiek
Burgemêester	Carine Dewaele (CD&V Lendelede 2030)
Coaliesje	CD&V Lendelede 2030
Zetels CD&V Lendelede 2030 N-VA+TROTS	17 (2024-2030) 11 6
Dêelgemêentn me postcode
Postcode Dêelgemêente 8860 Lendlee
And're info
Zonenummer	051
Webadres	www.lendelede.be

Kerke van Lendlee

Dingn van vroegre

Lendlee is 'n oude nederzettinge: d'oude kroniekn klappn van e Romeinse heirweg van Nôord noa Zuud deur de gemêente.

n' Êeste kêe da ze klappn van Lendlee is geleen van 1078, ton volt de noame Lethae en 't goa zekers over Lendlee. Der wa in diene tyd e vrommins Folkswinde en eur zeuns die twêe bundergoed voe niet geevn an Lethae voe de dô voadr en vint Rudolf ip zyn gemak te moakn. Êen zinneke is vrêe de moeite: Villa videlecit Lethae nomine. Villa Lethae zinspeelt ip e dorp, meskiens datter ol e kappelle of e kerke stound.

Lendlee èt intyde ofgezien van d'oorloogn, skachtbèrn en ziektes:

• In 1658 ein de Franske ier binngestekt en zwoar skêefgegoan.
• In 1694 woarn 't er zeevn kêe mêer dôo dan geboortes en in 1707 gingn der 231 dôod an de ploage.
• Nog zukke dingn deur den oorloge me de Spanjooln.

In den êesten weireldoorloge es Roland Garros zyne vlieger neergeschootn gewist boven Lendlee. Ie es ton neregestort in Iengelmunster.

Beziensweirdigheedn

Kykt noa Bouwkundig erfgoed in Lendlee

Attraksies

• Jeugduus 't Skalul
• Sportalle
• Den Tap

Geboorn in Lendlee

• Lodewijk Baekelandt, beruchte bendeleider en strukroovre.

Ofbeeldiengn die ier by passn ku je vien in de categorie Lendelede van Wikimedia Commons.