60.983 greinar á íslensku.
Grein mánaðarins
Lukku-Láki
_-_Lucky_Luke_-_l'homme_qui_tire_plus_vite_que_son_ombre_-_céramique_-_01.jpg)
Lukku-Láki er heiti á vinsælum belgískum teiknimyndasögum sem segja frá ævintýrum Lukku-Láka, kúreka sem er fljótari en skugginn að skjóta, í villta vestrinu. Persónan er sköpunarverk belgíska teiknarans Morris (Maurice de Bevere) og birtist fyrsta ævintýrið í teiknimyndablaðinu Sval (franska: Spirou) í október 1946. Frá og með árinu 1955 voru handrit að sögunum um Lukku-Láka samin af franska myndasöguhöfundinum René Goscinny og í samstarfi þeirra Morris og Goscinny náðu bækurnar miklum vinsældum. Eru þær nú meðal mest seldu teiknimyndasagna Evrópu og hafa verið þýddar á hartnær 30 tungumál, þar á meðal ensku, arabísku, þýsku, dönsku, grísku, hebresku, tyrknensku og ítölsku. Á árunum 1977 til 1983 komu fjölmargar Lukku-Láka bækur út á íslensku á vegum Fjölvaútgáfunnar. Íslensk útgáfa Lukku-Láka hófst á ný árið 2016 á vegum Frosks útgáfu og komu út fimm bækur á árunum 2016-2020.
Ekki er að finna neinar vísbendingar í sköpunarsögu Lukku-Láka, sem til dæmis má lesa um í Allt um Lukku-Láka, um að hann hafi verið til eða eigi sér ákveðna fyrirmynd. Hins vegar eiga fjölmargar aðrar persónur í bókunum um Lukku-Láka sér beinar fyrirmyndir, annað hvort teknar beint úr sögu villta vestursins eða þekktar ímyndir úr samtímasögu vesturlanda þegar bækurnar voru gerðar.
Vissir þú...
.jpg)
- … að Todor Zhívkov, leiðtogi Búlgaríu, varð árið 1970 fyrsti leiðtogi austantjaldsríkis sem kom í opinbera heimsókn til Íslands?
- … að Emma Thompson (sjá mynd) er eina manneskjan sem hefur unnið Óskarsverðlaun bæði sem leikari og sem handritshöfundur?
- … að yfirhjúkrunarkonan Jóhanna Knudsen var árið 1941 ráðin af stjórnvöldum til að rannsaka konur og stúlkur sem höfðu haft náin kynni við hermenn í ástandinu?
- … að Gettysborgarávarpið, ein frægasta ræða í sögu Bandaríkjanna, tók aðeins þrjár mínútur í flutningi en var upphaflega flutt beint á eftir vígsluræðu sem tók um tvær klukkustundir?
- … að Fæðing þjóðar, kvikmynd sem sýnir haturssamtökin Ku Klux Klan í hetjulegu ljósi, var fyrsta kvikmyndin sem var sýnd í Hvíta húsinu í Washington?
Fréttir
- 16. maí: Sveitarstjórnarkosningar fara fram á Íslandi. Sjálfstæðisflokkurinn hlýtur flest sæti í borgarstjórn Reykjavíkur.
- 16. maí: Búlgaría vinnur Söngvakeppni evrópskra sjónvarpsstöðva 2026 með laginu „Bangaranga“ eftir Dara (sjá mynd).
- 14. maí: Evika Siliņa, forsætisráðherra Lettlands, segir af sér vegna viðbragða stjórnarinnar við drónahernaði Úkraínumanna.
- 1. maí: Sameinuðu arabísku furstadæmin yfirgefa Samtök olíuútflutningslanda.
- 19. apríl: Þingkosningar fara fram í Búlgaríu. Nýr flokkur fyrrverandi forsetans Rúmens Radev vinnur hreinan meirihluta á þingi.
Yfirstandandi: Borgarastyrjöldin í Jemen • Borgarastyrjöldin í Súdan • Innrás Rússa í Úkraínu / Stríð Rússlands og Úkraínu • Íransstríðið • Stríð Ísraels og Hamas
Nýleg andlát: Ted Turner (6. maí)
Merkisviðburðir
19. maí
- 2000 - Baneheia-málið í Noregi: Tveimur ungum stúlkum var nauðgað og þær myrtar í Kristiansand.
- 2001 - Fyrsta Apple Store-verslunin var opnuð í Fairfax-sýslu í Virginíu.
- 2003 - Stríðið í Aceh 2003-2004: Indónesíuher hóf aðgerðir í Aceh-héraði.
- 2009 - Bandaríski sjónvarpsþátturinn Glee hóf göngu sína.
- 2010 - Lögregla réðist gegn mótmælendum í Bangkok í Taílandi með þeim afleiðingum að 91 lést.
- 2011 - Lars von Trier var vísað frá kvikmyndahátíðinni í Cannes vegna ummæla hans um Adolf Hitler og gyðinga.
- 2011 - Dominique Strauss-Kahn sagði af sér sem yfirmaður Alþjóðagjaldeyrissjóðsins.
- 2013 - Uppþotin í Stokkhólmi 2013 hófust með íkveikjum í Husby og stóðu næstu þrjú kvöld.
- 2016 - EgyptAir flug 804 hrapaði í Miðjarðarhafið. 66 fórust.
- 2018 - Harry Bretaprins gekk að eiga bandarísku leikkonuna Meghan Markle.
Systurverkefni
|
|
