Unha vogal central é un tipo de vogal que aparece en diferentes linguas, cuxa característica definitoria é que a lingua ocupa unha posición media ou central, intermedia entre a posición que ocupa nas vogais anteriores e as vogais posteriores. Os sons vocálicos centrais que teñen un signo específico no Alfabeto Fonético Internacional son:
- Vogal pechada central non redondeada [ɨ]
- Vogal pechada central redondeada [ʉ]
- Vogal semipechada central non redondeada [ɘ]
- Vogal semipechada central redondeada [ɵ]
- Vogal media central (tamén chamada schwa)[ə]
- Vogal semiaberta central non redondeada [ɜ]
- Vogal semiaberta central redondeada [ɞ]
- Vogal case aberta central [ɐ]
- Vogal aberta central non redondeada [a] (*Tecnicamente, non é foneticamente central)
Onde os símbolos aparecen en parellas,
o da dereita representa unha vogal redondeada.
Esporadicamente, empréganse os signos ad hoc ᵻ, ᵿ (ɪ, ʊ) para as vogais case-pechadas centrais.
