في كلمة عبقرية في المعجم العربي والعامية المصرية اسمها "مُحدِث" جاية من "إحداث". أذكر في الستعينيات كانت مُستخدمة بكثافة.
أذكر وقتها (قبل عصر الموبايل) أن سمعت عن معلم كبير ورجل خير في عابدين "مش فاكر إسمه" إشتهر بأنه في الأعياد والمناسبات كان لما بيوزع اللحمة على الغلابة وبيحط في كل كيس صورة ليه وهو بيدبح. وكان الوصف اللي اتفق عليه الجالسون انه "مُحدث". وكان وقع الكلمة سيء في ذاك الزمان.
معرفش اختفت ليه الكلمة دي. فهذا زمن قُدّر لها أن تحياه.
