我真係唔知俾咩反應佢，俾佢半推半就去左飲野。(對唔住，我錯)
經典黎喇！ 唔好眨眼！
我點左杯野飲，佢見到杯野飲要 $36 (佢杯野飲都係$36，一共$72)，
佢竟然！ 竟然！ 竟然，又再係個公事包搵錢包，搵左好耐好耐……
店員：先生，可以用手機支付架喎。
佢攞住部手機，企左係度，望住我，無反應。
一秒，兩秒，三秒...
天啊！
你唔係一早預約左餐廳，一早約我，話請我吃生日飯慶祝架咩？！
間餐廳係你揀，唔係我揀架喎，你知道間餐廳係咩價錢架喎？！
係你自己話唔請吃飯改請我飲野架喎！
點解你要咁尷尬啊！
我最後默默拿出手機俾左錢，無坐低，一路行去地鐵站一路飲。
而佢，將那餐飯既一半 + 佢自己杯野飲錢 $236 PAYME 俾我，留了句說話係 PAYME：「今日真係唔好意思，你後日有空嗎？ 去我家叫外賣，今次我請。」
