Kovrov

Kovrov (ven.: Ковро́в) om Venäman lidn da lidnümbrik Vladimiran agjan pohjoižes. Se om agjan kahtenz' surtte lidn eläjiden lugun mödhe, Kovrovan rajonan administrativine keskuz, ei mülü rajonha. Om sodahoštusen lidnaks vn 2011 kül'mkuspäi.

Kovrov
Ковров

Lidnanznam	Flag
Valdkund	Venäma
Eläjiden lugu (2025)	127,831 ristitud
Pind	57,4 km²
Pämez'	Jelena Fomina (sügüz'ku 2020—)
Telefonkod	+7−49 232-xx-xxx
Avtokod	33
Aigvö	UTC+3 (MSK+0)

Istorii

Eländpunkt om olmas 12. voz'sadaspäi. Ei ole todhižid andmusid siš 16. voz'sadahasai, konz Roždestvenskoje-žilo oli anttud valdoičemha Kovrovad-ruhtinasile, se zavodihe nimitadas heiden kanzannimen mödhe. Vozil 1567−1764 žilo alištui Suzdalin ph. Evfimijan mez'jumalankodile. Vl 1778 sai makundan lidnan statusad. Raudtestancii om saudud vspäi 1862 «Moskv — Alauz'lidn»-raudtekeskustal.

Nevondkundaližel aigal äi lidnan tegimid radoi sodategimišton kompleksan hüvüdele. Kovrovan ižandusen päsarakod oma mašinansauvomine (mehanižed i elektroladimed, metallümbriradmižen tömašinad, katl'ad, gazcentrifugad, mašiništ atomelektrostancijoiden täht, torguindmašiništ), silikatine savič, konteinerad i furnitur sauvondan täht, sporttrenažoriden pästand, tekstil'tegimišt (bumagkanghad, matrasad, mužikkostümad).

Geografijan andmused

Lidnan sijaduz agjas vn 2010 kartal

Lidn sijadase ümbärdajan rajonan lodehes, Kläz'm-jogen oiktal randal läz täuzin, 125 m ü.m.t. keskmäižel korktusel.

Matkad Vladimirhasai om kuz'kümne üks' kilometrad suvipäivlaskmha orhal vai 80 km avtotedme. Lähembaine lidn om Kameškovo 19 km päivlaskmha orhal vai 27 km avtotedme.

Tobmuz

Kovrov om lidnümbrikon üks'jäižeks eländpunktaks.

Edeližed lidnan pämehed (merad) oma Anatolii Zotov (keväz'ku 2014 — sügüz'ku 2019, vspäi 2019 Nevondkundan ezimez'), Jurii Morozov (sügüz'ku 2019 — semendku 2020).

Eläjad

Vn 2010 Venäman rahvahanlugemižen mödhe lidnan eläjiden lugu oli 145 214 ristitud, vn 2021 — 132 417 ristitud. Kaik 138 552 eläjad oli lidnas vl 2017. Kaikiš suremb ristitišt oli 160..163 tuhad eläjid vozil 1989−2000 (163 tuh. rist. vll 1995−1996).

Rahvahad (enamba 0,4 % vl 2021): venälaižed — 84,7 %, toižed rahvahad — 2,5 %, rahvahuden ozutandata — 12,8 %.

Ortodoksižen hristanuskondan vižtoštkümne pühäpertid oma kaičenus i saudud lidnas: Sündun Raštvoiden päjumalanpert' (letihe vll 1778−1870), Spasan Toižetamižen päjumalanpert' (1870−1884), kahesa jumalanpertid i viž časounäd. Islaman mečet' (saudihe vll 2014−2019) loičendpertinke oma avaitud.

Openduz

Lapsiden opendusen aluzkundad oma päivkodid, keskškolad.

Professionaližen opendusen aluzkundad oma Kovrovan valdkundaline tehnologine akademii i viž kolledžad: energomehanine (alištub akademijale), transportine, tegimištoliž-gumanitarine, medicinine, holitusen da tehnologijoiden. Sodapalakund openduzkeskusenke baziruiše lidnas.

Transport

Trolleibusad, avtobusad da taksid oma kundaližeks transportaks lidnas.

Raudte- i avtotesildad Kläz'mas päliči oma lidnas. Kaks'kümnekilometrine sarak tuleb lidnan suvhe «Volg»-avtotelpäi (M7). Raudte ühtenzoitab lidnad Muromanke.

Galerei

• 
  Lidnan Duman i torguindrividen istorine sauvuz (2021)
• 
  Lidnan muzejan päsauvuz (2013)
• 
  Sündun Raštvoiden päjumalanpert', vn 2013 nägu
• 
  Spasan Toižetamižen päjumalanpert', vn 2014 nägu
• 
  Profškol i Tegimen Degtärövan nimed tulend vl 2013
• 
  Kovrovan silikatižen savičun tegim vl 2008
• 
  Kul'turkeskuz Leninan nimed (2013)
• 
  Kul'turkeskuz Noginan nimed (2013)
• 
  Kul'turkeskuz Degtärövan nimed (2013)
• 
  «Metallist»-stadionan tulend (2013)
• 
  Kovrov-päraudtestancijan sauvuz vl 2006

Irdkosketused

• Lidnan Nevondkundan oficialine sait (sovet.kovrov-gorod.ru). (ven.)
• Lidnan administracijan oficialine sait (kovrov-gorod.ru). (ven.)