Tina Bru

Tina Bru er fødd i Moss i Østfold. Ho har ein bachelorgrad i engelsk og religion ved Universitetet i Stavanger 2008, og ein bachelorgrad med fordjuping i endringsleiing frå BI i Stavanger 2010–2012.

Bru melde seg inn i Unge Høgre i 2005, var andre nestleiar og fylkessekretær for Rogaland Unge Høgre 2006–2007, deretter fylkesleiar 2008–2009 og medlem av sentralstyret i Unge Høgre i 2008–2010. Ho var medlem av styret i Rogaland Høgre 2011–2013. Ho var politisk rådgivar for Stavanger Høgre 2008–2010, for Rogaland Høgre 2011–2012 og for fylkesordføraren i Rogaland 2011–2013.

Tina Bru var medlem av Stavanger kommunestyre 2007–2011 og av Rogaland fylkesting 2011–2015. Hun var vararepresentant til Stortinget frå Rogaland 2009–2013 og fast stortingsrepresentant frå 2013 til ho overraskande takka nei til attval i 2025. På Stortinget var ho medlem og nestleiar i energi- og miljøkomiteen fram til ho blei statsråd i 2020. I 2020 vart ho nestleiar i Høgre etter Bent Høie.

I januar 2020 blei Bru olje- og energiminister i regjeringa Solberg, etter at Framstegspartiet trekte seg frå regjeringssamarbeidet. Bru gjekk av som olje- og energiminister ved regjeringsskiftet hausten 2021. Frå 2021 til 2025 var ho fyrste nestleiar i finanskomiteen. Ho trakk seg frå politikken i 2025/26 da ho ikkje tok attval til Stortinget og gjekk av som nestleiar.

Bru har utfordra den konservative delen av Høgres politikk, spesielt i familie- og likestillingspolitikken. Bru ville avskaffe både kontantstøtta og barnetrygda, og ho var for eggdonasjon. Ho var leiar av Høgres kvinneforum 2016–2020. Då to av biskopane i den norske kyrkja meinte at Noreg måtte bremse oljeutvinninga, melde ho seg ut av kyrkja. Ho har vore for ein aktiv oljepolitikk.

• Høgre
• regjeringa Solberg
• statsrådar i Noreg
• Stortingsrepresentantane 2021–2025

• Stortinget: Tina Bru
• Regjeringa: Tina Bru
• Høgre: Tina Bru