विकिपीडिया:स्वशिक्षा
| परिचय | सम्पादन | रूपरङ्ग | विकिपीडिया जोड़ | सन्दर्भ आउ स्रोत | संवाद पन्ना | ध्यान रखथिन | पञ्जीकरण | जाइत-जाइत |
विकिपीडिया लेख-सम्पादन स्वशिक्षा
विकिपीडिया ढेर प्रयोगकर्ताके सहयोगसे बनल एगो मुक्त ज्ञानकोश हे जेकरामे अपने अपन योगदान आसानी से दे सकहथिन । ई पाठ अपनेके एगो विकिपीडिया योगदानकर्ता बनावेमे सहयोग करेतै ।
ई पाठके पन्ना अपनेके विकिपीडियाके लेख लिखेके उचित बिधि-बिधानसे अवगत करैतै, मने लेख कैसे लिखे जायेके चाही आउ कौन सामग्री उचित-अनुचित हे । ई पाठ अपनेके विकिपीडिया प्रयोगकर्ता-समाज, नीति आउ व्यवहारोके बारेमे बतैतै ।
ई एगो आधारिक पाठ हे आउ एकरामे बारीक बिषय पर बिस्तृत जानकारी नै हे । ऐसन चीज पर ज्ञान अपनेके अन्य पन्ना पर मिलतै जेकराला स्थान-स्थान पर कड़ी देल गेलै हे । ऊसभके पढ़ेला अपने ओकरा अपन ब्राउजर पर अन्य टैबमे खोल सकहथिन ।
सीखैत-सीखैत अपने प्रयोगस्थल ("अभ्यास पन्ना" वा "सेण्डबॉक्स्") पन्ना पर प्रयोग कर सकहथिन । ईसभमे अपने मनचाहे फेर-बदल करथिन आउ जैसन चाहे प्रयोग करथिन ! कौनो रोकतै-टोकतै न, आउ ईसभमे चाहे अपने जेतनहुँ उल्टा-सीधा खिचड़ी पकैथिन, कौनोके कौनो आपत्ति न होतै आउ कौनो बुरा न मानतथिन ।
आवथिन, सम्पादनके बारेमे सीखल जाये ! दृष्टिबाधित साथी विकिपीडिया पन्नाके पढ़े आउ सम्पादित करेके सम्बन्धी सहयोगला दृष्टिबाधितार्थ पन्ना देख सकहथिन ।