Col Raiser

Articul per Ladin Gherdëina

Col Raiser, n iëde tlamà Col Raisa, ie n gran col sun la Mont de Mastlé tl chemun de Santa Cristina al'autëza de 2106 m.

Col Raiser sota la Fermedes danter Mastlé a man ciancia y Ncisles.

Geografia

Suinsom dl col cun n gran plan ruva la furnadoia tlameda Col Raiser giaurida tl ann 1962. Ilo ie l sëul hotel de Mastlé Almhotel Col Raiser y la ustaria Baita Odles dl paur da Praplan tla Val dal Ciar. Tl hotel ie da vijité n pitl museum chun chedri de paesajes de Gherdëina. Da la pert nord dl col scumëncia l Parc Naturel Puez Odles. Japé dl col a sud vën adum i ruves de Mastlé y de Ncisles.

• 
  Val dal Ciar a nord dl col.
• 
  L plan de Col Raiser y la Odles.
• 
  Col Raiser cun la Pela de Larjëi.

Troies

Sun Col Raiser ruva l troi N. 4, passan per la utia Gamsblut y che porta ala utia de Ncisles, l troi 4a passan per la ustaria Fermeda.

Sun Col Raiser ova Luis Schenk metù su la prima scola de jì a crëp.

Purtoies

Dal col vën ju trëi purtoies: dl viëres de nord n purtoi de cunliamënt che porta ala sentadoia Fermeda per jì sun Secëda. Dl vieres de nord-urient l purtoi col Raiser Plan de Tieja. Dl viëres de urient la Gran Pela o Pela de Larjëi

Cunliamënc

• Cherta di Troies Open Street Map
• Webcam dal Col Raiser

Coordinedes: 46.58506641135168°N 11.746393473434749°E / 46.58506641135168; 11.746393473434749

V

Montes de Gherdëina