في ريواتش خفيف مع العيلة في البيت اتقلبت موازين الفيلم وحصل عكس كل حاجة قولتها في ريفيو اول مشاهدة اللي كانت في السينما واللي قولت فيها ان الفيلم رغم انه مضحك وجامد بس مكنش يستحق تجربة السينما لانه مكنش فيه حاجة مميزة اوي
اولًا: الفيلم ده يا جماعة مع الاسف من افلام المشاهدة الواحده.. في الريواتش مكنتش بضحك بنفس الفاعلية رغم اني كنت بضحك بس بعض الافيهات عدت عليا مره في السينما ولما جت عدت عليا تاني المره دي حتى…
في المشاهدة التالتة للتجربة الخطيرة دي اكتشفت حاجة مهمة اوي وهو ان الفيلم ده فيلم روش وعصري وخطير وممتع ومتنوع اكتر بكتير من كونه فيلم كوميدي.. في المشاهدة التالتة ضحكت اقل بس اتبسط اكتر لاني ركزت في التفاصيل اكتر ودي حاجة قليل لما تحصل في فيلم مصري جديد
عمر المهندس حقيقي مخرج روش وجميل وبقى من المخرجين اللي هتحمس اشوف او اترقب اي عمل عليه اسمه في المستقبل، محمد الدباح كاتب سيناريو روش وممتع فشخ على غير عادته بشكل مخليني حاسس انه سرقه واخيرًا موسيقى الفيلم دي من اجمد الحاجات في الفيلم وفي المطلق، حقيقي انا مبسوط بالفيلم ده اوي اوي وندمان اني ضعيته سينما
انا شغلت الفيلم ده وانا معرفش عنه اي حاجة حرفيًا غير انه من علامات السينما في وسط فترته علشان اتفاجئ انه بيتكلم عن اهم فترة في تاريخ هوليود وهو انتقال الافلام من صامتة ل متكلمة وانا شخص بيعشق السينما الصامتة ف الفيلم كان شخصي اوي خصوصًا في مشاهد صناعة السينما الصامتة
الفيلم كمان كان استعراضي وانا مكنتش اعرف ده ف كانت مفاجأة حلوة خصوصًا وان كل الاستعراضات كانت جميلة وممتعة بس في نظري عيبها انها كانت اكتر من اللازم.. اكتر…
رغم عدد المشاهدات الذي لا تحصى اللي اتفرجت فيها على الفيلم ده ف دي اول مرة في حياتي اتفرج عليه ب ارادة حرة عن طريق اني احمله بنفسي واعمله سهرة مخصوص.. فكرة اني اقدر اعيد مشاهدة المشاهد اللي بحبها وان وقت ما متعود ان يجي اعلانات ميجيش كانت متعة لا توصف.. لاول مره مشاهدة حرة لواحد من اقرب الافلام لقلبي
الفيلم فيه كم غير عادي من التفاصيل اللي في كل مشاهدة بكتشفها وبستمتع بيها زي ضحك الكومبرسات الحقيقي ومشاهد كتير…
