كان من اكثر الافلام الي فعلًا حسسني بعدم راحه طول الوقت، كمية التوتر والرعب النفسي كانت مرعبه بشكل مو طبيعي وكل مشهد يخليك تحس ان فيه شي غلط حتى لو مافيه شي واضح قدامك. التمثيل كان اسطوري من الجميع وقدروا يوصلون هوس الشخصيات بطريقة تخليك متوتر معهم طول الفيلم. اكثر شي عجبني كيف الفيلم يدخل براسك ويخليك مو مرتاح ابد، من زمان ماحسيت بهذا الشعور مع فيلم. الشي الوحيد الي خلاني ما اعطيه 4.5/5 هو ان الرتم كان سريع شوي ببعض الاحداث وكنت اتمنى ياخذ وقته اكثر، لكن غير كذا تجربه قويه .

من الاعمال الي كل شي فيها محسوب بدقه، البناء كان رهيب وكيف الفيلم يطلع فرانك لوكاس من مجرد شخص عادي لأخطر تاجر مخدرات بهالفتره التاريخيه بدون ما يحسسك بالملل ابد. إخراج كان فاخر وتفاصيل الحقبه طالعه بشكل عظيم، من التصوير للأجواء وحتى الموسيقى. اما دينزل كالعادة أداء تاريخي، كاريزما وهيبه بكل مشهد لدرجة انك ماتقدر تشيل عينك عنه. وحتى المحقق  كان ممتاز وقدّم توازن  .رهيب . فيلم عصابات طويل لكن ممتع بكل دقيقه

الفيلم هذا حرفيًا ما يهدأ، من أول مشهد إلى آخر لحظة كله توتر وحماس. القتال كان مجنون، والإخراج أعطى إحساس واقعي كأنك وسط المعركة.

القصة بسيطه بس ما اظهروا لنا تعمق في الشخصيات الثانويه حرفياً العمل مركز عل 3 شخصيات فقط، يمكن مو كامل من ناحية الإيقاع، بس التجربة تستاهل

النهاية متوقعه ، لكن الممثل شون بن ابدع حرفياً 70٪ من العمل هو الي شايله بتمثيله التاريخي . هل الفلم بياخذ الاوسكار ؟ بياخذ اكثر من 2 اوسكار لكن عندي احساس بتكون في اعمال افضل بتنزل في هذي
.السنه

التصوير سيئ جداً ومدة الفلم قصيره جداً و كتابياً ضعيف اتمنى من الدوسري انه يكمل مشاهدة افلام ومسلسلات ولا يفكر في انتاج عمل .