Duras 應該唔識玩牌？有牌係連對家出乜都唔使睇就出㗎咩？

作為 on body and soul 全地球最堅實嘅 hater，覺得今次講跨物種神交，係比偽裝心靈相通、實質情緒勒索為好。起碼呢個一廂情願唔會搞到人。

雖然黑白片段拍咗咁多停喺參加 party 飲酒個位係非常奇怪；男仔應承女仔唔亂搞棵花，但又破曬戒（精神出軌？）；但 cast 到梁朝偉就足夠，由開場嘅 calm presence 震懾到尾，本身以為同 Lea 對戲，點知原來女人只係（網上）路過，唔緊要，一個人對住樹已經夠殺。冇梁朝偉嘅鏡頭，瞓曬過去都唔影響。梁朝偉嘅存在亦幫到導演唔亂加 suicidal dark past 俾角色，呢個加乘太多。

睇到一個鐘打後，知道三條線嘅共通之後，唔止係植物教宣道，而係喺各自時代不被理解認同嘅孤獨心境，都有植物明白佢，好啦，我受今次嘅 narrative.

刊登香港電影評論學會短評：

一趟體能忍耐極限的大挑戰，貫穿起伏不定四個山徑、清晨的都市鐵路、深宵的離島小輪，盡覽香港地理風光特色，體驗往來城、郊、海切換的效率，不止本土，還能立足世界，旁述不忘強調其路線放諸全球的獨特性。這也是此項目誕生源起: 非土生土長的西方眼光，看到這土地的美，以及行走在上面的難。
 
環境之外，紀錄片的重點在於裏面的人，身體力行表現，「it’s not the place, it’s the people」 精神，再次體認「香港是個國際的香港」。有參賽者說這是他最後一次這樣看這裏的風景，原因沒有記載在片中，但也許一切已盡在不言中。驚嘆其意志，同時感慨萬千。

要諗下係因為作品嘅挑釁性定係保守而對部戲有咁唔耐煩嘅反應，由其前半部所表現出嘅剪接暗示係相當厭惡，特別係某啲血腥嘅association.

第二部分係以妻子命名，似係要講佢對於主角嘅份量，但整個焦點放咗落性衝動度，加上前面送別一幕淨係叫個女跟阿媽，自己一個喺屋企叫老婆開燈（明明燈掣喺隔離），都顯示女方只係一個工具？最後就打算用彭浩翔式唱k為夫妻情感嘅cliche 補飛？劉青雲發脾氣果場戲係好好，但前提實在 questionable.

而部戲核心係想點？點解要揀呢單個案改編？個insight喺邊度？除咗煞有介事有意無意指涉精神病患嘅遺傳性？external環境因素同internal家庭關係塑造都係表面而重複，基本上唔想drill deep，拍嚟係要同觀眾玩閱讀理解嘅遊戲？果啲中港結合符號？

之前《正義迴廊》so-called 演技大滿貫，今次又想改造100 毛成員去做周邊角色但效果真係好刻意。