tj

Kahapon ng umaga habang nag-aagahan kami nila Mama at naghahandan silang pumasok ni Patchie, tumawag si Papa para batiin ako. Natulog ako ulit hanggang mga 830 kasi 9 ko pa naman kelangan umalis para pumasok sa trainee shift ko sa Starbucks — salamat sa lahat ng bumati sakin sa trabaho.

Tapos nung hapon, dumaan si Pol at Kulas at nanggulo nung break ko. (GAGO KA NGA PALA KULAS, HINDI KO INAALOK YUNG CUPCAKES NA BINIGAY NI ABBY, PINAPAKITA KO LANG magpabake ka sa sariling mong girlfriend... este boyfriend sa susunod no INUPAKAN MO NAMAN AGAD.) Tumambay sila hanggang uwian at bumili naman kaya ayos lang siguro, haha.

Tapos hapunan sa labas kasama si Mama, si Patchie at Abby. Simpleng kaarawan lang, pero masaya naman. :)

May nagpadala kay Abby ng isang freezer wtf madaming popsicles kanina nung magkasama kami, tapos walang nakalagay na pangalan kung galing kanino, tapos wala ding return address. Sabi ko ibenta namin, haha, kesa itapon kasi sayang naman ISANG FREEZER WTF kaso baka daw ma-karma kami, kaya pamigay na lang daw muna namin sa mga kaibigan namin.

Kaya ayan: Pol, Kulas, Louie, Fritz (pati na din si Ate Tin), Popsicle Party tayo this week sabi ni Abby, kelan kayo pwede? Alam niyo naman kami, mga taong tambay lang, haha. Sakto ang init na, break muna kayo sa pag-aaral. :)

---

Nag-apply ako para maging barista sa may Starbucks sa Katipunan this summer. Okay na rin, may experience na din naman ako medyo sa food service nung nasa Japan kami nakatira. Sabi ni Abby, hindi daw ba parang malayo ang Katipunan, pero practice commute na rin yun para sa pasukan. Sana matanggap ako, para may pera naman this summer. Tingin ko okay naman yung interview.

After nung interview mag-aarcade dapat kami ni Abby, kaso nauwi na naman kami sa playground at Abigail Rose ang cute mo mapatid patid sa jumping rope HAHAHAHAHA JOKE LANG. Tapos wala lang. Nakakapagod, kaya kumain kami sa Greenwich pagkatapos at bumili ng regalo para kay Pol at Kulas.

Nung Sabado, yung birthday party nga. Na masaya kahit na medyo magulo. Ang galing ng damit nung isang babae sobrang nakakasilaw na dilaw parang may reflectors pa hehehe. Tapos kahapon, nagsimba lang kami ni Mama at Patchie, at namili ng onting gamit sa SM Marikina.

---

text para kay abby [kapalkilay]:

Oy Abigail Rose, samahan ko mo naman ako sa Katipunan sa Friday! Busy ka ba? ^^

Maligayang araw ng mga puso!! Kumain kami sa labas kanina ni Mama at Patchie, wala lang daw, mahilig sa holidays ang pamilya ko eh. Dapat nga dinner, kaso tutugtog kami nila Kulas dun sa event mamaya. :)

*

( Collapse )

text para kay abby [kapalkilay]:

( Collapse )