The Crickets foi unha banda estadounidense de rock and roll procedente de Lubbock, Texas, formada polo cantante e compositor Buddy Holly en xaneiro de 1957. O seu primeiro éxito, "That'll Be the Day", publicado en maio de 1957, chegou ao número 3 da lista Billboard Top 100 en setembro dese ano. A portada do seu primeiro disco, The "Chirping" Crickets, mostra a formación da banda naquel momento: Holly na voz e guitarra solista, Niki Sullivan na guitarra rítmica, Jerry Allison na batería e Joe B. Mauldin no baixo. The Crickets axudaron a establecer o modelo de bandas de rock posteriores, como os Beatles, coa súa formación de guitarra, baixo e batería, interpretando o seu propio material. Despois da morte de Holly en 1959, a banda continuou xirando e gravando na década de 1960 e máis aló con outros membros data o século XXI.
