O secularismo (de secular) no uso corrente, xeralmente pode ser definido de dous xeitos:[1]
- O laicismo convencional, nun sentido, afirma a liberdade de relixión, estando libre da imposición dalgunha relixión oficial ou gobernamental sobre a xente, dentro dun estado ou dunha sociedade que é neutra sobre os asuntos da crenza espiritual, e non dá ningún privilexio estatal ou subvención ás relixións (mirar tamén a separación Igrexa-Estado e Laïcité).
- O laicismo, noutro senso, establece que as decisións e actividades humanas, sobre todo políticas, deberían estar baseadas no que se consideran probas e feitos antes que en crenzas con influencia relixiosa. As doutrinas relixiosas baséanse no que consideran unha verdade absoluta, mentres que o secularismo está baseado na razón que foi desenvolvida durante a Ilustración. Os secularistas cren que todas as actividades que caen fóra da esfera privada deberían ser seculares, p. ex. non relixiosas (véxase a Razón pública).
