Nacida onte

Nacida onte (en inglés: Born Yesterday) é unha comedia romántica estadounidense de 1950, dirixida por George Cukor. Está protagonizado por Judy Holliday, William Holden, Broderick Crawford e Howard St. John nos papeis principais. O guión baséase nunha obra teatral de Garson Kanin.

Nacida onte
Instancia de filme  Parte de National Film Registry  Título Born Yesterday (en)
Características  Cor branco e negro  Xénero artístico comedia romántica comedia dramática  Formato de distribución vídeo baixo demanda  Ambientado en Washington, D.C.  Lingua orixinal lingua inglesa
Implicados  Produtor/a S. Sylvan Simon (pt)  Director/a George Cukor  Compositor/a Friedrich Hollaender  Guionista Garson Kanin Albert Mannheimer (pt)  Director/a fotografía Joseph Walker (pt)  Editor/a de cine Charles Nelson  Deseñador/a produción Harry Horner  Elenco Judy Holliday Grandon Rhodes William Holden Broderick Crawford Claire Carleton  Compañía produtora Columbia Pictures  Distribuidor/a Netflix Columbia Pictures
Datas  Data de publicación 25 de decembro de 1950
Historia  Premios e distincións Óscar á mellor actriz (29 de marzo de 1951)  Nomeamentos Óscar á mellor actriz (12 de febreiro de 1951) Óscar ao mellor deseño de vestiario, branco e negro (12 de febreiro de 1951) Óscar ó mellor guión adaptado (12 de febreiro de 1951) Óscar ó mellor director (12 de febreiro de 1951) Óscar ó mellor filme (12 de febreiro de 1951)
Cifras e dimensións  Duración  103 min
Localización  País de orixe Estados Unidos de América
Códigos e identificadores VIAF 305885583 ISAN 0000-0000-137B-0000-C-0000-0000-1 Freebase /m/06jq_7
Fontes e ligazóns  Puntuación da crítica 97% Rotten Tomatoes (31 de outubro de 2024) 8.2/10 Rotten Tomatoes (5 de outubro de 2021)  Descrito pola fonte lista dos 100 mellores filmes segundo a Alliance of Women Film Journalists
Wikidata C:Commons

En 2012 o filme foi considerado "cultural, histórica e esteticamente significativo" pola Biblioteca do Congreso dos Estados Unidos de América e seleccionada para a súa preservación no National Film Registry.

Foi emitido na TVG o 31 de agosto de 1996.

Argumento

Harry Brock (Broderick Crawford), un rudo millonario, viaxa a Washington, D.C. xunto coa súa amante Emma Billie Dawn (Judy Holliday) e o seu corrupto avogado Jim Devery (Howard St. John). O obxecto da viaxe é influír sobre un par de políticos. O avogado tamén está interesado en que o seu empregador e a súa parella casen para desta maneira impedir que ela poida testemuñar en contra do seu home.

Harry non está conforme coas maneiras e a falta educación de Billie, a pesar de que el mesmo o fai peor, e decide contratar o xornalista Paul Verrall (William Holden) para que se encargue de educala. Billie aprende rapidamente as novas ensinanzas e comeza a mostrar a súa intelixencia. O xornalista fascínase con ela e ambos comezan a namorarse.

Sen decatarse do que está a pasar, o avogado convence a Harry para traspasar os seus fondos a Billie, co fin de eludir unha fiscalización gobernamental. Chegado o momento, Harry require os seus cartos de volta, mais ten que enfrontarse a unha independizada Billie e ambos entran en conflito.

Elenco

• Judy Holliday como Emma Dawn ('Billie')
• Broderick Crawford como Harry Brock
• William Holden como Paul Verrall
• Howard St. John como Jim Devery
• Frank Otto como Eddie
• Larry Oliver como o congresista Norval Hedges
• Barbara Brown como Sra. Hedges
• Grandon Rhodes como Sanborn
• Claire Carleton como Helen

Premios

O filme foi candidato a cinco premios Oscar na 23.ª edición dos premios, e Judy Holliday gañou na categoría de mellor actriz. As outras candidaturas foron as de mellor filme, director, guión adaptado e vestiario en branco e negro.

Holliday tamén gañou o Globo de Ouro á mellor actriz - Comedia ou musical e foi candidata como actriz dramática. O filme foi candidato ao mellor filme e director. Ademais, o filme participou no Festival Internacional de Cine de Venecia.

Remake

A obra de Garson Kanin tamén serviu de base para o filme de 1993 Born Yesterday, dirixido por Luis Mandoki e protagonizado por Melanie Griffith, Don Johnson e John Goodman.