Wikipedia

Mohammed Shahabuddin

xuíz, Bangladesh

Mohammed Shahabuddin, nado en Shivrampur o 10 de decembro de 1949, é un xurista, xornalista, funcionario e político de Bangladesh que exerce como presidente de Bangladesh desde 2023. Foi elixido sen oposición nas eleccións presidenciais de 2023 como candidato do partido gobernante Liga Awami. Antes da súa presidencia, fora xuíz de distrito e de sesións e comisario da Comisión Anticorrupción de 2011 a 2016.[1]

Modelo:BiografíaMohammed Shahabuddin

(2023) Editar o valor en Wikidata
Biografía
Nacemento(bn) মোহাম্মদ সাহাবুদ্দিন আহমেদ চুপ্‌পু Editar o valor en Wikidata
10 de decembro de 1949 Editar o valor en Wikidata (76 anos)
Pabna District Editar o valor en Wikidata
Presidente de Bangladesh
24 de abril de 2023 –
← Abdul Hamid
Comisario
Xuíz
Editar o valor en Wikidata
Datos persoais
ResidenciaBangabhaban (en) Traducir Editar o valor en Wikidata
RelixiónIslam Editar o valor en Wikidata
EducaciónUniversity of Rajshahi (en) Traducir
Govt. Edward College, Pabna (en) Traducir Editar o valor en Wikidata
Actividade
Ocupaciónpolítico, xuíz, funcionario Editar o valor en Wikidata
Familia
CónxuxeRebecca Sultana Editar o valor en Wikidata
Sinatura Editar o valor en Wikidata
Facebook: mdshahabuddin.chuppu.1 WikiTree: Shahabuddin-3 Editar o valor en Wikidata

Traxectoria

editar

Shahabuddin naceu o 10 de decembro de 1949 en Shivrampur, no upazila de Sadar, no distrito de Pabna, que por aquel entón formaba parte de Bengala Oriental, no dominio de Paquistán.[2] Os seus pais era Sharfuddin Ansari e Khairunnessa.[3]

Foi á escola Purbatan Gandhi de Pabna e máis tarde foi admitido na Academia Radhanagar Majumdar en cuarto de primaria. Estudou un mestrado en psicoloxía na Universidade de Rajshahi en 1974 e obtivo unha licenciatura en Dereito na Facultade de Shahid Aminuddin en 1975.

Shahabuddin (á dereita) como comisario, xunto con M Badiuzzaman (centro), comisario xefe da Comisión Anticorrupción, reuníndose co presidente Abdul Hamid en 2016..

Actuou como líder estudantil da Liga Awami a finais da década de 1960 e principios da de 1970 e foi dirixente da Liga Chhatra. Participou na Guerra de Liberación de Bangladesh no bando independentista e foi secretario conxunto da Liga Awami Krishak Sramik de Bangladesh (BAKSAL) da unidade do distrito e secretario de publicidade da unidade do distrito da Liga Awami. Foi encarcerado durante tres anos despois do asasinato de Sheikh Mujibur Rahman en 1975.

En 1982 incorporouse como Munsef (xuíz adxunto) ao cadro xudicial do Servizo Civil de Bangladesh (BCS). Finalmente foi ascendido ao cargo de xuíz de distrito e sesións, o cargo máis alto do Servizo Xudicial de Bangladesh. Foi elixido secretario xeral da Asociación do Servizo Xudicial de Bangladesh en 1995 e 1996.

Foi nomeado polo Ministerio de Dereito, Xustiza e Asuntos Parlamentarios para exercer como coordinador no xuízo para procesar os asasinos do Sheikh Mujibur Rahman. Exerceu como comisario electoral no Consello Nacional da Liga Awami de Bangladesh de 2022.[4]

Entre 2017 e 2023 formou parte do consello de administración de Islami Bank Bangladesh Limited, ata que dimitiu tras ser elixido presidente de Bangladesh.[5]

Presidencia

editar

Shahabuddin foi nomeado polo Partido Parlamentario da Liga Awami como o seu candidato á presidencia de Bangladesh.[6] O 12 de febreiro de 2023 presentou a súa solicitude ao Comisionado Electoral Xefe e ao Oficial de Eleccións Presidenciais da Comisión Electoral para as eleccións presidenciais, sendo o único candidato en facelo.[7] Mantivo entón un encontro coa primeira ministra Sheikh Hasina en Ganabhaban.[8] A súa candidatura foi ben recibida polo Partido Jatiya da oposición, mentres que o Partido Nacionalista de Bangladesh expresou o seu desinterese.[9] O 13 de febreiro de 2023 foi elixido oficialmente como o 22º presidente do país ao non ter oposición.[10]

Toma de posesión

editar
A primeira ministra Sheikh Hasina reunida co presidente Sahabuddin en Bangabhaban.

Shahabuddin xurou o cargo como 22º presidente de Bangladesh nunha cerimonia no Bangabhaban o 24 de abril de 2023.[11] A primeira ministra Sheikh Hasina, o presidente do Tribunal Supremo Hasan Foez Siddique, así como Sheikh Rehana, membros do gabinete e outros convidados asistiron á cerimonia estatal. Despois da cerimonia, Shahabuddin e o presidente saínte Mohammad Abdul Hamid intercambiaron oficialmente os seus escanos como parte da cerimonia de traspaso de poderes. Shahabuddin e a presidenta Shirin Sharmin Chaudhury asinaron os documentos de xuramento do cargo.[12]

Mandato

editar

En decembro de 2023, Shahabuddin vetou o Proxecto de Lei Laboral de 2023, que fora aprobado polo Parlamento, e enviouno para a súa reconsideración.[13][14]

Dimisión de Sheikh Hasina

editar
O presidente Shahabuddin cos xefes das forzas armadas o 6 de agosto de 2024, tras a dimisión de Sheikh Hasina.

O 5 de agosto de 2024, o xefe do Estado Maior do Exército, o xeneral Waker-uz-Zaman, anunciou a dimisión da primeira ministra Sheikh Hasina tras o movemento de non cooperación (2024).[15][16] O presidente Shahabuddin dirixiuse á nación o 5 de agosto de 2024 e declarou que Hasina dimitira.[17] Non obstante, máis tarde declarou que «oíra que Sheikh Hasina dimitira do cargo de primeira ministra, pero non tiña probas documentais que o respaldasen».[18][19]

Reunión do presidente Shahabuddin o 5 de agosto de 2024 co xefe das forzas armadas e os líderes dos partidos políticos para discutir a formación dun goberno provisional

De inmediato comezou o proceso de reunión con líderes políticos de todo o país para discutir a formación dun goberno provisional.[20] Tamén disolveu o parlamento e ordenou a liberación da ex primeira ministra Khaleda Zia do seu arresto domiciliario.[21][22]

O 6 de agosto, Shahabuddin, como comandante en xefe das Forzas Armadas de Bangladesh, publicou unha importante remodelación do Exército de Bangladesh, que incluíu o descenso de categoría ou a destitución de varios oficiais aliñados coa Liga Awami, incluído o maior xeneral Ziaul Ahsan.[23] Nasimul Gani foi nomeado secretario do Departamento Público da Oficina do Presidente.[24]

O 8 de agosto, Shahabuddin nomeu asesor xefe ao premio Nobel Muhammad Yunus, como cabeza dun goberno provisional.[25]

O presidente Shahabuddin cos xuíces da División de Apelacións do Tribunal Supremo de Bangladesh, incluído o presidente do Tribunal Supremo de Bangladesh, Syed Refaat Ahmed, en 2024.

O 10 de agosto, tras a dimisión do presidente do Tribunal Supremo Obaidul Hassan, o presidente Shahabuddin nomeou a Syed Refaat Ahmed como presidente do Tribunal Supremo. [26]

Notas

editar
  1. ↑ "Md Shahabuddin set to become next President of Bangladesh" (en inglés). 12 de febreiro de 2023. Consultado o 18 de maio de 2026.
  2. ↑ "অবসরে থাকছেন বদিউজ্জামান, সুপ্রিম কোর্টে ফিরছেন চুপ্পু" (en bengalí). Consultado o 18 de maio de 2026.
  3. ↑ "Profile of Md Shahabuddin Chuppu" (en inglés). 19 de outubro de 2025. Arquivado dende o orixinal o 12 de novembro de 2024. Consultado o 18 de maio de 2026.
  4. ↑ "Shahabuddin becomes president-elect" (en inglés). 12 de febreiro de 2023. Consultado o 18 de maio de 2026.
  5. ↑ "President-elect Shahabuddin resigns from Islami Bank’s board" (en inglés). 13 de febreiro de 2023. Consultado o 18 de maio de 2026.
  6. ↑ "AL nominates Shahabuddin as candidate for Bangladesh president" (en inglés). 12 de febreiro de 2023. Consultado o 18 de maio de 2026.
  7. ↑ "Shahabuddin Chuppu set to become next Bangladesh president" (en inglés). Press Trust of India. 12 de febreiro de 2023. ISSN 0971-751X. Consultado o 18 de maio de 2026.
  8. ↑ "AL-nominated president candidate Shahabuddin calls on PM" (en inglés). Bangladesh Sangbad Sangstha. 12 de febreiro de 2023. Arquivado dende o orixinal o 19 de maio de 2026. Consultado o 18 de maio de 2026.
  9. ↑ https://en.prothomalo.com/bangladesh/politics/x7uhuocyxl. Falta o |title= (Axuda)
  10. ↑ "Mohammad Shahabuddin elected 22nd president of Bangladesh" (en inglés). 13 de febreiro de 2023. Consultado o 18 de maio de 2026.
  11. ↑ "Shahabuddin Chuppu takes oath as Bangladesh’s 22nd president" (en inglés). 24 de abril de 2023. Consultado o 18 de maio de 2026.
  12. ↑ "Shahabuddin sworn in as the 22nd president" (en inglés). UNB. 24 de abril de 2023. Consultado o 18 de maio de 2026.
  13. ↑ "President returns labour amendment bill" (en inglés). 5 de decembro de 2023. Consultado o 18 de maio de 2026.
  14. ↑ "President returns the Labour Bill 2023 for reconsideration" (en inglés). 3 de marzo de 2024. Consultado o 18 de maio de 2026.
  15. ↑ "Bangladeshi Prime Minister Sheikh Hasina resigns and flees country". The Washington Post. 5 de agosto de 2024. Consultado o 18 de maio de 2026.
  16. ↑ "What We Know About the Ouster of Bangladesh’s Leader" (en inglés). 5 de agosto de 2024. Consultado o 18 de maio de 2026.
  17. ↑ "President for protecting people’s lives, properties & state assets" (en inglés). 6 de agosto de 2024. Consultado o 18 de maio de 2026.
  18. ↑ "President asks not to create controversy on settled issue" (en inglés). 22 de outubro de 2024. Consultado o 18 de maio de 2026.
  19. ↑ "Bangladeshi PM Sheikh Hasina resigns as widening unrest sees protesters storm her official residence". Associated Press. 6 de agosto de 2024. Consultado o 18 de maio de 2026.
  20. ↑ "Bangladesh dissolves national parliament, paving way for new government" (en inglés). 6 de agosto de 2024. Consultado o 18 de maio de 2026.
  21. ↑ "Bangladesh president orders release of ex-PM Khaleda Zia" (en inglés). 5 de agosto de 2024. Consultado o 18 de maio de 2026.
  22. ↑ "Bangladesh protests updates: Parliament dissolved after Hasina resignation" (en inglés). 6 de agosto de 2024. Consultado o 18 de maio de 2026.
  23. ↑ https://www.bssnews.net/news-flash/202798. Falta o |title= (Axuda)
  24. ↑ "Five retired additional secretaries appointed as secretaries" (en inglés). 18 de agosto de 2024. Consultado o 18 de maio de 2026.
  25. ↑ "Yunus sworn in as interim Bangladesh leader" (en inglés). 8 de agosto de 2024. Consultado o 18 de maio de 2026.
  26. ↑ "Syed Refaat Ahmed appointed as Chief Justice" (en inglés). 8 de agosto de 2024. Consultado o 18 de maio de 2026.
Obtido de «https://gl.wikipedia.org/w/index.php?title=Mohammed_Shahabuddin&oldid=7463082»