Link (The Legend of Zelda)

Link é un personaxe ficticio protagonista da saga de videoxogos The Legend of Zelda, de Nintendo. Creado por Shigeru Miyamoto, apareceu por primeira vez no videoxogo The Legend of Zelda (1986). Cabe destacar que ó longo da saga existen diversos heroes co nome de Link, cada un coas súas características. Segundo o que di Ganondorf en The Wind Waker, podería tratarse dun mesmo heroe que renace ó longo das eras.

Link
Alcume Linlin Linny
Instancia de hyliano personaxe de videoxogo personaxe nomeable
Papel protagonista silencioso protagonista
Tipo personaxe o elixido
Semellante a Young Link Toon Link
Obra
Primeira aparición The Legend of Zelda
Presente na obra The Legend of Zelda Super Smash Bros. Brawl The Legend of Zelda: Majora's Mask Super Smash Bros. Super Smash Bros. Melee The Legend of Zelda: Ocarina of Time The Legend of Zelda: Skyward Sword The Legend of Zelda: Ocarina of Time Master Quest Mario Kart 8 Deluxe The Legend of Zelda: Oracle of Ages The Legend of Zelda: Link's Awakening Mario Kart 8 Hyrule Warriors The Legend of Zelda: The Minish Cap Soulcalibur II The Legend of Zelda: Four Swords Adventures Super Smash Bros. The Legend of Zelda: Tears of the Kingdom
Universo ficticio universo de The Legend of Zelda
Franquía The Legend of Zelda
Creador/a Shigeru Miyamoto
Inspirado en Peter Pan
Interpretado por Fujiko Takimoto Yūki Kodaira Yūki Kaji Sachi Matsumoto Akira Sasanuma Mitsuki Saiga Nobuyuki Hiyama Takashi Ōhara Hikaru Midorikawa Kengo Takanashi
Biografía
Lugar de nacemento Hyrule
Grupo étnico hyliano
Sexo home
Superpoder Ultrahand
Armamento chicote (pt)
Cor do pelo louro cabelo loiro escuro
Actividade
Inimigo/a Ganondorf Dragmire Vaati
Ocupación arqueiro espadachín matadragóns ficticio
Residencia Hateno
Lugar de traballo Hyrule Termina Ordon
Familia
Irmá/n Aryll
Localización  Lugar de nacemento Hyrule  Lugar de traballo Hyrule Termina Ordon
Códigos e identificadores Freebase /m/02gkbm
Wikidata C:Commons

Características

Link é un mozo modesto cunha valentía lendaria, debido a que porta a Triforza do Valor. Nalgúns xogos da saga outórganselle certos títulos, como Heroe do Tempo en Ocarina of Time ou Heroe do Vento na súa encarnación de The Wind Waker.

É o portador da lendaria Espada Mestra, a cal usa para vencer ó mal. Link ten tamén momentos de valentía imprudente, como as dúas veces que intentou enfrontarse a Ganondorf en The Wind Waker e unha en Ocarina of Time, sen estar preparado aínda.

Canonicamente, Link é zurdo, aínda que isto cambiou varias veces ó longo do tempo. En A Link to the Past, Link cambia a man coa que sostén a espada dependendo do lado cara ó que estea mirando. Na versión de Wii de Twilight Princess, Link é destro, mais isto débese a que o xogo foi completamente invertido co obxectivo de acomodalo mellor ó modo de control.