Family é unha banda inglesa de rock activa dende finais de 1966 ata outubro de 1973, e novamente dende 2013 para unha serie de concertos. O seu estilo caracterizouse como rock progresivo, xa que o seu son a miúdo exploraba outros xéneros, incorporando elementos de estilos como o folk, a psicodelia, o acid rock, o jazz fusión e o rock and roll. O grupo conseguiu recoñecemento no Reino Unido polos seus álbums, as súas xiras e por aparicións en festivais.[1][2][3]
As cambiantes formacións de Family ao longo da súa relativamente curta existencia levou a unha diversidade de sons nos seus distintos álbums. O grupo tamén adoita a ser visto como un artista inxustamente esquecido[1] en comparación con outras bandas do mesmo período, e foi descrito como unha "banda estraña amada por un pequeno pero rabioso grupo de fanáticos".[2]
