O Estadio Olímpico Universitario (inicialmente chamado Estadio de Ciudad Universitaria, e ocasionalmente denominado Estadio México 68 ) é un recinto deportivo pertencente á Universidade Nacional Autónoma de México (UNAM), situado na Cidade de México. Inaugurouse o 20 de novembro de 1952, coa apertura dos II Xogos Deportivos Nacionais . [1][2] É o segundo estadio máis grande do país, despois do Estadio Azteca, situado na mesma cidade; ten unha capacidade de 72.000.000 espectadores. Foi a sede principal dos Xogos Olímpicos de 1968.
É o único dos estadios olímpicos situado nunha área declarada Patrimonio Cultural da Humanidade (Cidade Universitaria da UNAM). Chamado por Frank Lloyd Wright o "edificio máis importante da América Moderna". Foi deseñada polos arquitectos Augusto Pérez Palacios, Jorge Bravo e Raúl Salinas Moro.
Foi a sede principal dos Xogos Panamericanos de 1955; os Xogos Centroamericanos e do Caribe de 1954 e 1990; e dos Xogos Mundiais Universitarios ouUniversiadas de 1979. En todas as anteriores foi tamén o escenario das competencias de atletismo; e aínda que nos Xogos Panamericanos de 1975 non albergou as cerimonias de apertura e clausura (realizáronse no Estadio Azteca), si escenificou as competencias de atletismo.
Actualmente xogan como equipos locais: Universidad Nacional, un club de fútbol da Primeira División mexicana, e Pumas CU, un club de fútbol americano universitario que forma parte da ONEFA .
