Para outras páxinas con títulos homónimos véxase: Cénit (homónimos).
En astronomía, cénit[1] é o punto que marca a intersección entre a vertical do observador e a esfera celeste (unha esfera imaxinaria onde situamos as estrelas, sendo o seu centro a Terra). É o marco referencial mais común de localización de posicións de obxectos celestes.
O cénit en relación co nadir e os horizontes astronómico e verdadeiro
Imaxinando unha recta que pasa polo centro da Terra e pola nosa situación na superficie, o cénit atópase ao final desa recta, no punto que toca a esfera celeste, xusto enriba das nosas cabezas: é o punto máis alto do ceo sobre nós.
O punto diametralmente oposto sobre a esfera celeste en relación ó cénit chámase nadir.
