Corentena

A corentena é un período de tempo no que se mantén privada de comunicación unha persoa ou animal para comprobar a posibilidade de enfermidade (ou evolución da mesma) para evitar contaxios. A palabra "corentena" orixínase na frase quaranta giorni ("corenta días"), o número de días que segundo a Biblia pasou Xesús Cristo no deserto, se ben pode ter outra duración, segundo a gravidade da doenza e o lugar.

Corentena
Instancia de intervención na saúde pública  Subclase de regulamento control de doenzas transmisibles distanciamento social  Aspecto de xestión de emerxencias
Códigos e identificadores Freebase /m/069q9 MeSH D011790 CIE-11 1279232978 OpenAlex C2781402358
Fontes e ligazóns  Descrito pola fonte Enciclopedia soviética armenia, volume 5 pp. 302 Dicionario Enciclopédico Brockhaus e Efron "Q24435927 " Pequeno Dicionario Enciclopédico de Brockhaus e Efron "Q24760893 " Enciclopedia de Otto "Q87891897 " The New Student's Reference Work "The New Student's Reference Work/Quarantine (en) " Meyers Konversations-Lexikon, 4ª edición (1885–1890) "Q114391359 " Encyclopædia Britannica "1911 Encyclopædia Britannica/Quarantine (en) " The Nuttall Encyclopædia Meyer’s Universum, Vierter Band (en) "Peterwardein (en) "
Wikidata C:Commons

Historia

O xeito de illamento efectivo máis antigo é o que se sinala no Pentateuco (Biblia) hai máis de 3 400 anos. De alí seguiuse o consello, como no caso da lepra. Para evitar a propagación da enfermidade entre os antigos israelís baixo a lei de Moisés, as persoas infectadas foron separadas, como manifestan gravados no Antigo Testamento. A partir dos séculos XIII e XIV tórnase máis común. A República de Venecia tomou o liderado en medidas sanitarias para controlar a propagación de pragas, nomeando tres gardiáns da saúde pública nos primeiros anos da Peste Negra (1348).

Na época actual, o temor á contaminación ó regreso da Lúa (contaminación interplanetaria) foi o principal motivo dos procedementos de corentena adoptados para o programa da primeira misión Apollo. Os astronautas e as mostras lunares puxéronse en corentena no Laboratorio de Recepción Lunar. Para as mostras dunha futura misión de retorno de Marte, existe o protocolo de corentena, que se levaría a cabo nun laboratorio de bioseguridade de nivel 4, coñecido como Mars Sample Return Receiving Facility (MSRRF).

O 14 de marzo de 2020 impúxose en España o estado de alarma pola pandemia da COVID-19, que implica unha corentena para a poboación.

Arte e cultura

• Destaca como feito na novela de José Saramago Ensaio sobre a cegueira, que logo se rodou como película co título Blindness, dirixida por Fernando Meirelles.
• Aparece tamén na novela de ciencia ficción Quarantine (1992) de Greg Egan, mestura de metafísica con física cuántica.
• A novela Inferno de Dan Brown (2013) refire no resumo a orixe da palabra: "O número corenta —quaranta en italiano— servía de sombría lembranza das orixes da palabra «corentena»."

Outros usos

Por extensión, úsase en informática para a acción dos antivirus de denegar toda clase de permisos a un arquivo para evitar danos no ordenador pero sen borralo.

Tamén se lle chama "corentena" ó posparto ou puerperio.