Budva

Budva é unha cidade da costa de Montenegro, con cerca de 10.918 habitantes. É a capital do concello homónimo.

Budva

Localización
42°17′05″N 18°50′43″L
Estado	Montenegro
Concello	Budva (município) (pt)
Capital de	Budva (município) (pt)
Poboación
Poboación	13.338 (2011) (109,33 hab./km²)
Xeografía
Superficie	122 km²
Altitude	3 m
Santo padrón	Xoán o Bautista
Organización política
Membro de	Assemblée des Régions d'Europe
Identificador descritivo
Código postal	85310
Fuso horario	UTC+01:00
Outro
Irmandado con	Sanremo Celje West Palm Beach Lugo Velika Plana Ohrid (1984–) Novi Sad (1996–) Banská Bystrica (2001–) Yalova (2012–) Bijeljina (2018–)
Sitio web	budva.me

Budva está situada á beira do mar Adriático, nunha zona de gran densidade turística, coñecida como a "Riviera de Budva" (Budvanska rivijera). É famosa polas súas praias areosas, clima agradábel e viva vida nocturna. Ao tempo é unha localidade con rico patrimonio histórico.

Xeografía

Budva. En primeiro plano a Cidade Vella; ao fondo a baía.

A cidade está sita no sur da costa montenegrina, colocada nunha pequena península na parte setentrional dunha pequena baía (Baía de Budva), que cerra enfronte a localidade de Sveti Stefan. Na mesma baía érguese a illa de San Nicolao (Sveri Nikola), dita popularmente Havaj (Hawai), que é a maior das costas de Montenegro. Ao contar con dúas excelentes praias de area, Mogren e Becici, o que non adoita ser corrente nas costas adriáticas, impulsaron a demanda turística de Budva, que ademais está sita a curta distancia de importantes localidades históricas, aínda que non sempre as estradas son as axeitada. Budva dista 26 km de Kotor, outro importante centro turístico, uns 30 km de Cetinje, a antiga capital de Montenegro, e 123 de Dubrovnik (Croacia). O lago de Skutari, o maior dos Balcáns está a uns 38 km, como tamén a fronteira con Albania.

Patrimonio monumental

As vellas rúas da Cidade Vella mostran o influxo da arquitectura veneciana nos seus elementos construtivos e ornamentais. Entre os monumentos máis salientes cómpre sinalar:

• Catedral de San Xoán (Sveti Ivan krstiteli), católica, que remonta ao século VII.
• Santa María da Punta, católica, igrexa fundada no século VIII.
• Igrexa da Santísima Trindade, ortodoxa, que data de 1804.
• Cidadela veneciana.
• A 5 km o antigo pazo real da antiga monarquía iugoslava.

Véxase tamén

Ligazóns externas

• Páxina oficial (en inglés)