Bodleian Library

A Biblioteca Bodleiana (en inglés: Bodleian Library) é a principal biblioteca de investigación da Universidade de Oxford. Trátase dunha das bibliotecas máis antigas de Europa, fundada por Thomas Bodley en 1602. Cuns 13 millóns de documentos impresos, é a segunda biblioteca máis grande da Inglaterra, unicamente superada en tamaño pola Biblioteca Británica. Segundo a Legal Deposit Libraries Act de 2003, é unha das seis bibliotecas que se encargan do depósito legal no Reino Unido, e de acordo coa lei irlandesa pode reclamar unha copia de cada libro publicado na República de Irlanda. Coñecida polos membros da comunidade universitaria oxoniense como a "Bodley" ou "the Bod", actúa principalmente como unha biblioteca de referencia polo que, en xeral, os seus documentos non poden retirarse das salas de lectura.

Bodleian Library
Instancia de biblioteca universitaria  Parte de Bodleian Libraries (en)  Composto por Bodleian Library Special Collections (en)  Nome orixinal Bodleian Library (en)  Epónimo Thomas Bodley  Cargo dirixente Bibliotecario de Bodley
Implicados  Fundador/a Thomas Bodley  Matriz Bodleian Libraries (en)  Membro de IFLA British and Irish Committee on Map Information and Cataloguing Systems (en) Research Libraries UK (en)  Ten en propiedade Gough Map (en) Shelley's guitar (en) Selden Map of China (en)  Entidades subsidiarias UK Web Archive (en)
Datas  Fundación / creación 1602  Inauguración 1602
Patrimonio Monumento clasificado como grao I Data 12 de xaneiro de 1954 Identificador 1047185
Localización  Situado en Inglaterra, Reino Unido  Localización Oxford  Rúa Broad Street (en)  Enderezo Radclliffe Square  Coordenadas 51°45′14″N 1°15′19″O
Códigos e identificadores OpenStreetMap 62123 VIAF 129788129 ISNI 0000000122858305 Freebase /m/0lxbs
Fontes e ligazóns  Páxina WEB bodleian.ox.ac.uk…  Descrito pola fonte Dicionario Enciclopédico Brockhaus e Efron "Q24349593 " Subterranea Britannica The Nuttall Encyclopædia Subterranea
Wikidata C:Commons

No ano 2000, varias das bibliotecas da Universidade de Oxford axuntáronse por razóns administrativas baixo o nome de Oxford University Library Services (OULS). Dende 2010, chámanse Bibliotecas Bodleianas, das que a Biblioteca Bodleiana é a máis grande.

Todas as facultades da Universidade teñen a súa propia biblioteca, moitas das cales se fundaron antes da Bodleiana e son independentes dela. Porén, todas comparten SOLO (Search Oxford Libraries Online), o catálogo colectivo das Bibliotecas Bodleianas. A única excepción é a do University College, que posúe o seu propio catálogo independente. Moitos dos arquivos da biblioteca dixitalizáronse en 2015, poñéndose a disposición do público a través da internet.

Véxase tamén

Bibliografía

• Bodleian Libraries (2025). "History of the Bodleian Libraries". visit.bodleian.ox.ac.uk (en inglés). 
• Jones, Jonathan (2015). "Oxford’s online Bodleian archive: illumination for all". The Guardian (en inglés). 

Ligazóns externas

• Digital Bodleian (en inglés)
• Bodleian Libraries (en inglés)