Anatoli Boukreev

Anatoli Boukreev, nado en Korkino o 16 de xaneiro de 1958 e finado no Annapurna o 25 de decembro de 1997, foi un montañeiro de orixe rusa e nacionalidade kazakh. Fixo cumio sen axuda de osíxeno suplementario en sete dos catorce cumios de máis de oito mil metros de altitude.

Anatoli Boukreev

Biografía
Nacemento	16 de xaneiro de 1958 Korkino
Morte	25 de decembro de 1997 (39 anos) Annapurna
Causa da morte	Avalancha
Educación	Universidade Estatal de Chelyabinsk
Actividade
Ocupación	explorador, escritor, guía de montaña, montañista
Deporte	alpinismo
Cronoloxía
1991	ascensión ao Everest
Premios
(1998)  medalla á coraxe (1997)  Premio conmemorativo David A. Sowles (1989)  Orde á Coraxe Persoal (1989)  Mestre emérito do deporte da Unión Soviética (1989)  Mestre do Deporte da URSS, Clase Internacional (1985)  Leopardo das neves

Traxectoria

Boukreev formou parte como guía dunha das expedicións comerciais que no mes de maio de 1996 chegaron ó máis alto do monte Everest e que remataría en traxedia por mor do cambio nas condicións meteorolóxicas, o elevado número de escaladores na montaña e diferentes problemas loxísticos. Estes feitos foron recollidos en varios libros como o que o propio escalador escribiría coa axuda de G. Weston De Walt titulado The Climb, ou o do escritor norteamericano Jon Krackauer, Into The Thin Air. Ademais dos libros existen varios documentais e reportaxes sobre estes feitos e inclusive unha película Everest (2015) dirixida polo cineasta islandés Baltasar Kormákur e na que o actor Ingvar Eggert Sigurðsson da vida a Boukreev.

O 25 de decembro de 1997 Anatoli Boukreev viuse sorprendido por un alude mentres trataba de completar unha ascensión invernal o Annapurna acompañado polo seu compatriota Dimitri Sobolev e o italiano Simone Moro, que foi o único supervivente e non puido facer nada por auxiliar ós seus compañeiros. O seu corpo nunca foi recuperado.