Alburno

O alburno (Alburnus alburnus) é un peixe de auga doce da familia dos ciprínidos.

Alburno
Alburnus alburnus Carl von Linné 1758
Instancia de taxon ingrediente culinario  Nome curto A. alburnus  Categoría taxonómica especie
Conservación Especie pouco preocupante
Clasificación taxonómica
Superreino Holozoa Reino Animalia Filo Chordata Clase Actinopteri Orde Cypriniformes Familia Cyprinidae Xénero Alburnus Especie Alburnus alburnus Linnaeus, 1758 Alburnus alburnus
Códigos e identificadores Freebase /m/07cg5l ITIS 163663 UICN 789
Fontes e ligazóns  Descrito pola fonte Meyers Konversations-Lexikon, 4ª edición (1885–1890) "Q112809878 " Dicionario Enciclopédico Brockhaus e Efron "Q24499462 "
Wikidata G:Commons C:Commons

Descrición

O seu corpo é alongado e plano. A cabeza é afiada e a súa boca relativamente pequena está xirada para arriba. A aleta anal é longa e ten de 18 a 23 raios. A liña lateral é completa. Ten unha cor prateada brillante, e as aletas son afiadas e sen cor. A súa lonxitude máxima é de aproximadamente 25 cm.

Especie invasora na Península Ibérica

Na Península Ibérica introduciuse esta especie de forma ilegal como peixe para alimentar a outras especies exóticas tamén invasoras predadoras, en especial o blackbass e o lucio. Debido ao seu potencial colonizador e a constituír unha ameaza grave para as especies autóctonas, os hábitat ou os ecosistemas, esta especie foi catalogada no Catálogo español de especies exóticas invasoras, aprobado polo Real Decreto 1628/2011, de 14 de novembro, e está prohibida en España a súa introdución no medio natural, posesión, transporte, tráfico e comercio.

Distribución no mundo

Vive en Europa e Asia occidental. Aparece no norte do Cáucaso, Pireneos e Alpes, e cara ao leste desde a conca do río Volga e no noroeste de Turquía. Está ausente da maior parte das penínsulas do sur de Europa e da maioría das illas británicas, agás do sur de Inglaterra, aínda que foi introducido localmente (e converteuse en especie invasora) en España, Portugal, e Italia.

Cores brillantes e perladas da cabeza do alburno cando lle dá a luz solar directa.

Ecoloxía

Vive en grandes bancos e aliméntase de pequenos moluscos, insectos que caen á auga, larvas de insectos, vermes e detritos vexetais. Encóntrase en correntes e lagos. Prefire as augas abertas e encóntrase en gran número onde haxa un fluxo de comida procedente de estacións de bombeo ou detrás de represas.

Desove

Desova preto da beiras dos ríos en augas pouco profundas. Algunhas postas encontráronse en augas profundas. O substrato non é importante. Poñen de 5000 a 6500 ovos por femia, que fan eclosión en 5-10 días e as crías maduran en 2 ou 3 anos.

Importancia

É unha importante fonte de alimento para outros peixes predadores. É máis sensible á polución que outros ciprínidos, o que podería explicar o ser declive no noroeste de Europa.

Usos

Tense utilizado como isco na pesca deportiva doutros peixes máis grandes. Antes, das súas escamas extraíase un material que se utilizaba para recubrir as perlas artificiais.

Véxase tamén

Bibliografía

• Freyhof, J. & Kottelat, M. (2008). "Alburnus alburnus". Lista Vermella de especies ameazadas. Versión 2014.1 (en inglés). Unión Internacional para a Conservación da Natureza. Consultado o 24 de xullo de 2014. 

• Sistema Integrado de Información Taxonómica. "Alburnus alburnus (TSN 163663)" (en inglés). 
• Froese, Rainer e Pauly, Daniel, eds. (2005). "Alburnus alburnus" en FishBase. versión 10 2005
• Este artigo contén textos da edición de 1911 da Encyclopædia Britannica, dispoñible sen restricións coñecidas de dereito de autor.

---

Este artigo sobre zooloxía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---