(miss)understood é o sétimo álbum en estudio da cantante xaponesa Ayumi Hamasaki, lanzado orixinalmente o 1 de xaneiro do ano 2006. O álbum inclúe tódolos singles que foron lanzados dentro do ano 2005 máis algúns novos temas, dentro dos cales hai dous interludios instrumentais, facendo en total 16 cancións. Sendo tódalas letras das cancións escritas pola mesma Ayumi. A pesar de que o álbum saía en 2006, xa o 28 de decembro do ano 2005 estaba na primeira posición nas lista diarias de álbums de Oricon, ocorrendo o mesmo que co álbum "I am..." catro anos atrás.
O álbum é lanzado en formatos CD e CD+DVD, os dous con dezaseis pistas, e incluíndo en cada edición un álbum fotográfico de edición limitada con fotos da artista. A edición CD+DVD contén un libro de fotos de oitenta páxinas chamado "on my way" e a edición cun único CD inclúe "off my day", de sesenta páxinas.
Tódolos singles promocionais lanzados lograron alcanzar a primeira posición nas listas xaponesas de Oricon.
