(386723) 2009 YE7

(386723) 2009 YE₇ é un obxecto trans-neptuniano cunha magnitude absoluta (H) de 4,5. Este feito fai que sexa un feble candidato a planeta anano, e moito máis se se ten en conta que podería ser un membro da familia de Haumea, familia cun gran albedo, debido a refractividade dos seus xeos. Foi descuberta por David Rabinowitz o 17 de decembro do 2009, dende o Observatorio La Silla de Chile. Cando 2009 YE₇ foi descuberto criase que tiña unha magnitude absoluta (H) de 2.8, o cal faría del o primeiro KBO brillante descuberto dende o hemisferio sur.

(386723) 2009 YE7
Instancia de asteroide Familia colisional de Haumea obxecto transneptuniano posible planeta anano
Designación provisional 2009 YE7
Época 2025-11-21
Astro pai Sol
Grupo menor obxecto transneptuniano
Características orbitais
Apoapse	50,713225130347 au
Periastro	38,47139670857 au
Argumento de periastro	99,07 ° e 99,303830767755 °
Excentricidade orbital	0,141 e 0,13726389336368
Inclinación orbital	29,1 ° e 29,071064686114 °
Período orbital	108.764,80764391 d
Período de rotación	11,3 h
Semieixo maior	44,592310919458 au
Lonxitude do nó ascendente	141,72 ° e 141,66099169803 °
Anomalía media	179,53 ° e 192,50502730429 °
Tempo de periapse	2.511.604,8291294
Características físicas
Magnitude absoluta	4,5 e 4,57
Persoas e organizacións
Descubridor/a David L. Rabinowitz
Datas e cronoloxía
Data descuberta 17 de decembro de 2009
Localización
Localización descubrimento Observatório La Silla (pt)
Códigos e identificadores Freebase /m/09rs3rh
Wikidata C:Commons

Órbita

A súa órbita preliminar suxería que o obxecto chegou ó seu perihelio ó redor de 1864. Actualmente está a 50 UAs respecto do Sol e acadará ó seu afelio no 2012.

Polo momento a órbita é só preliminar xa que só foi observado durante 98 días dende o 13 de decembro do 2009.

Características físicas

Magnitude absoluta

Diferentes albedos dan coma resultado diferentes tamaños

O tamaño dun obxecto pode ser establecido unha vez se coñece a súa magnitude absoluta (H) e o seu albedo (a proporción de luz que reflicte). 2009 YE₇ ten unha magnitude absoluta de 4,5. Dado o feito de que 2009 YE₇ ten unha magnitude absoluta máis feble que H=1, este obxecto non é supervisado por dous comités para asignarlle nome nin automaticamente é catalogado coma planeta anano pola Unión Astronómica Internacional (UAI).

Asumindo que 2009 YE₇ ten un albedo de 0.25, albedo moi común entre os KBOs (obxectos clásicos do cinto de Kuiper) que teñen uns tamaños duns ~1000 km, ese albedo outorgaríalle uns 340 km de diámetro. Pero coma na actualidade non se coñece realmente o seu verdadeiro albedo, o seu tamaño podería ir duns 200 kms ata os 560 kms de diámetro.

Mike Brown cre que 2009 YE₇ podería ser un fragmento da familia de colisión de Haumea xa que ten unha inclinación orbital moi semellante á dos membros da familia de Haumea. Nese caso 2009 YE₇ podería ter un albedo que chegase ata o 0.7, dando unha estimación para o seu tamaño moito menor, duns 200 kms. O espectro infravermello amosa que 2009 YE₇ ten unhas marcadas liñas de absorción de xeo de auga, o cal fai que se relacione a 2009 YE₇ coa familia de Haumea.

Un corpo de xeo cun diámetro superior ós 400 kms sería quasi-esférico. Moitas das lúas de xeo do Sistema Solar son esféricas.

Véxase tamén

Outros artigos

• (55636) 2002 TX300, pertencente á familia de colisión de Haumea
• Haumea
• Candidatos a planeta anano
• Planeta anano

Ligazóns externas

• Orbital simulation from JPL (Java) / Horizons Ephemeris (en inglés)