Rustinu

Rustinu hè u nome d'un anziana pieve di Corsica à u Medievu. Hà fattu parte di u vescuvatu d'Aleria, è dinù di quellu d'Accia.

Geografia

U territoriu di l'antica pieve di Rustinu currisponde à e cumune attuale di :

Bisinchi, cù i paisoli d'Espacu, U Fornu è U Vignale ;
Castellu di Rustinu, cù i paisoli di Ponte Novu, Pastureccia, U Pianu, Barinciasche, U Frassu, A Pughjola ;
E Valle di Rustinu, cù i paisoli di Grate, Terlaia è Casa Pitti ;
Merusaglia, cù i paisoli di U Cunventu, Rocca Suprana, Rocca Suttana, A Stretta, U Collu, U Quercetu, Terchini, Tabonzuli, Sevasi ;
Castineta ;
Gavignanu ;
U Salgetu.

Chjesa pievana

A chjesa pievana di u Rustinu era a chjesa di Santa Maria di Riscamone, situata nant'à a cumuna di E Valle di Rustinu. À cantu di a chjesa pievana Santa Maria, si ponu vede e vistighe di dui battisteri. U più anticu hè d'epica paleocristiana. L'altru, San Ghjuvanni Battista, hè rumanicu è di forma uttugunale.

Battisteri

Si ponu vede e ruvine di dui battisteri in Riscamone.

U battisteru paleocristianu

U primu si truvava à cantu à a prima basilica paleocristiana, custruita à a fine di u seculu IV, o u principiu di u seculu V^[1]. Si pò sempre vede a piscina battismale, in forma di croce greca.

U battisteru rumànicu

Saria statu custruitu in a prima metà di u seculu XII. U so pianu hè di forma ottogonale. Per disgrazia hà suffertu assai per via d'un terramotu. Si ponu sempre vede parechji decori. Cum'è nant'à dui tìmpani. Nant'à l'unu si pò vede un serpu. Nant'à un altru si ricunnoscenu à Adamu è Eva^[1].

Riferimenti

Annie Arnoux-Gabrielli, Eglises romanes de Corse : le guide, Albiana, 2016

Ligami

Diòcesi d'Accia

Diòcesi di Mariana

Lista di e pieve di Corsica

1 2 Annie Arnoux-Gabrielli, Eglises romanes de Corse : le guide, Albiana, 2016

[:0-1] 1 2 Annie Arnoux-Gabrielli, Eglises romanes de Corse : le guide, Albiana, 2016

[1]