Helios

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Helios (Ἥλιος Hếlios e henc'hresianeg) eo skeudenn doueel an Heol, an tommder hag ar sklêrijenn, e relijion Hellaz kozh. Mab eo da Hyperion ha Theia, breur eo da Selene hag Eos.

Helios

Greek deity, solar deity

Reizh pe jener	paotr
Anv e yezh-vamm an den	Ἥλιος
Tad	Hyperion
Mamm	Theia
Breur pe c'hoar	Eos, Selene, Titan
Pried	Rode, Ceto, Aegle, Antiope
Lec'h annez	palace of Helios
Azeulet gant	Relijion er gevredigezh hellazek
Tachenn ar sant pe doue	Heol
Vehicle normally used	sun chariot
Perc'henn war	Actaeon
Deskrivet dre	Head of Helios, opus sectile from Mithraeum of Santa Prisca, Votive altar of Helios and Domitian
Epithet	Eleutherios

 

 Eus Wikidata

Alesant Veur evel Helios.

Gwragez ha bugale

• Dimezet eo gant Perseis ha meur a vab hag a verc'h dezhañ a gaver er mojennoù:
  • Aietes, roue Kolc'his, e mojenn ar maoutken aour
  • Kirke
  • Pasifae
  • Perses, roue Tarots
  • Augeias, roue ar marchosioù bras-ec'hon

• Gant an nimfenn Neaira en deus bet Lampetia ha Faethousa, a oa karget da ziwall e chatal.
• Gant an Hesperidenn Aigle en deus bet teir merc'h, ar C'harited.
• Gant an nimfenn Rode en deus bet seizh mab, diazezerien an enez.
• Gant an Okeanidenn Klymene en deus bet seizh merc'h, an Heliadezed, hag ur mab, Faethon.

Lagad an heol

Abred e voe kemmesket gant Foibos, hag Apollon. Koulskoude n'eo ket un doue meur, mevel eo da Zeus, bemdez e vez o redek etre daou benn an oabl en e garr aour, da noz e vez o tiskuizhañ e penn pellañ ar c'hornôg, en hanternoz d'an Okeanos, en enez ar Wenvidien.

En un taol lagad e wel kement tra a dremen war gorre an douar, hag e c'hall mont da ziskuilhañ d'an doueed. Hervez an Odysseia, eñ an hini a oa aet da gemenn da Hefaistos e veze Afrodite o chouriñ gant Ares, pe da z-Demeter eo Haides en devoa skrapet he merc'h Kore.

Saver chatal

Atav hervez an Odysseia, en doa chatal, bioù ha deñved, a veze mesaet e Trinakria, anv kozh Sikilia. Pa zegouezhas Ulises eno e klevas digant e ziouganer Teiresias e oa arabat stekiñ ouzh al loened-se a oa sakr. Met e-keit ma oa o kousket e kouezhas e vartoloded war al loened d'o debriñ. Dic'haou a c'houlennas Helios digant Zeus, hag eñ da skeiñ e dan-taran ouzh lestr Ulises, ha ne chomas bev nemetañ.

Doue doujet

Aes eo Helios da anavezout abalamour d'ar bannoù-heol a vez en-dro d'e benn. Alies e vez skeudennet gant e garr hag e denn-gezeg. Doujet bras e oa Helios, a c'hallje, eme tud Hellaz, paouez a sevel ma ne vije ket enoret. Abalamour ma wele pep tra e veze touet alies en e anv: "Dre Helios e touan kement-se" a dalveze "gwir eo, evel-se eo bet gwelet gant an heol".

Doue roman

E Roma e veze graet Sol eus Helios.