Neidenstein
Neidenstein (sidfränkisch Naideschtoi) isch e Gmai im Rhy-Necker-Chrais z Bade-Wirttebärg. D Gmai het 1769 Iiwohner (Stand: 31. Dezember 2024). Si ghert zue dr Tourismusregion Brunneregion un drait syt Oktober 2022 dr Nameszuesatz Burgdorf.[2]
| Wappe | Dütschlandcharte | |
|---|---|---|
 |
| |
| Basisdate | ||
| Bundesland: | Bade-Württebärg | |
| Regierigsbezirk: | Charlsrue | |
| Chreis: | Rhy-Necker-Chrais | |
| Höchi: | 173 m ü. NHN | |
| Flächi: | 8,48 km² | |
| Iiwohner: |
1769 (31. Dez. 2024)[1] | |
| Bevölkerigsdichti: | 209 Iiwohner je km² | |
| Poschtleitzahl: | 74933 | |
| Vorwahl: | 07263 | |
| Kfz-Chennzeiche: | HD | |
| Gmeischlüssel: | 08 2 26 058 | |
| LOCODE: | DE NDN | |
| Adress vo dr Gmeiverwaltig: |
Schloßstraße 9 74933 Neidenstein | |
| Webpräsenz: | ||
| Burgermeischter: | Frank Gobernatz | |
| Lag vo vo dr Gmei Neidenstein im Rhy-Necker-Chrais | ||
 | ||
Geografi
ändereNeidenstein lyt im Dal vum Schwarzbach zwisch em Kraichgauer Bielland un em Chlaine Odewald im Naturpark Neckerdal-Odewald. D Burg Neidenstein lyt uf eme Bärgspron weschtli vum Schwarzbach. Dr Baan bstoht us 49,1 % Landwirtschaftsflechi, 31,3 % Wald, 17,9 % Sidligsflechi un 1,7 % sunschtiger Flechi.[3]
Nochbergmaine vu Neidenstein sin Epfenbach im Nordoschte, Helmstadt-Bargen im Oschte, Waibstadt im Sidoschte un Eschelbronn im Weschte.
Gmaigliderig
ändereZue Neidenstein ghere kaini wytere Ortsdail.
Gschicht
ändereD Burg Neidenstein, wu im 13. Jh zuen ere Wehrburg uusböue woren isch, isch zum erschte Mol gnännt wore anne 1319 as Rychslääche vu dr Herre vu Venningen. Um d Burg isch s Dorf as Burgwyler entstande.
Bis aafangs 19. Jorhundert het Neidenstein zum Stammbsitz vu dr Herre vu Venningen un dodermit zum Ritterkanton Kraichgau ghert. Anne 1806 sin d rychsritterschaftlige Firschtedimer mediatisiert wore un Neidenstein isch zum Großherzogtum Bade chuu. D Burg ghert bis hite dr Herre vu Venningen. S Dorf het ab 1807 zum Oberamt Waibstadt ghert, ab 1812 zum Bezirksamt Sinsheim, wu 1939 dr Landchrais Sinsheim drus woren isch.
Im Rame vu dr bade-wirttebärgische Chraisreform isch 1973 dr Landchrais Sinsheim ufglest wore un Neidenstein isch zum neie Rhy-Necker-Chrais chuu.
Yyohnerentwicklig
ändere
|
Verwaltig
ändereNeidenstein het sich mit dr Stedt Waibstadt un Neckarbischofsheim un dr Gmaine Epfenbach, Helmstadt-Bargen un Reichartshausen zuen eme Gmaiverwaltigsverband mit Sitz z Waibstadt zämmegschlosse.
- Burgermaischter vu Neidenstein
- 1901–1920: Karl Ziegler
- 1920–1925: Friedrich Mayer
- 1925–1945: Friedrich Winkelmann
- 1945–1966: Erich Ziegler
- 1966–1974: Otto Ziegler
- 1974–1995: Peter Haas
- 1996–2003: Uwe Göhrig
- 2003–2012: Peter Reichert
- syt 2013: Frank Gobernatz
- Partnergmai
- Vaucouleurs, Frankrych, syt 1976
Kultur un Böuwärch
ändere- Burg Neidenstein, uf eme Bärgsporn, mittelalterlige Bärgfrid un Burggrabe, Dordurm 1569, Fachwärchgebei 16. Jh. (mit Haimetmuseum)
- Evangelischi Chilche (barock, böue um 1700, Grabplatte un Epitaphe us em 15. bis 18. Jh.)
- Katholischi Chilche 1880
- Rothuus (barock, böue 1773, renoviert 1991)
- Ortschärn mit alte Fachwärchhyser
- Villa rustica im Gwann Buchfeld
Blick iber Neidenstein
Burg Neidenstein
Katholischi Chilche
Innenaasicht
Rothuus
Ev. Barockchilche
Dialäkt
ändereDr Dialäkt vu Neidenstein ghert zum Sidfränkisch.
Literatur
ändere- Christoph Bühler: Burgen der Kurpfalz. Bergstraße und Neckartal. Heidelberger Verlagsanstalt, Heidelberg 1990. S. 107 ff. ISBN 3-89426-012-2
Weblink
ändere
- Websyte vu Neidenstein
- Neidenstein uf LEO-BW
- Neidenstein Altgemeinde uf LEO-BW
- Ortsfamilienbuch Neidenstein
Fueßnote
ändere- ↑ Statistisches Landesamt Baden-Württemberg – Tabellengruppe 12411: Fortschreibung des Bevölkerungsstandes zum 31. Dezember 2024 (Hilfe dazu).
- ↑ Bekanntmachungen des Ministeriums des Inneren, für Digitalisierung und Kommunen über die Genehmigung von sonstigen Bezeichnungen v. 1. September 2022 – Az.: IM2-2200-6/1, GABl. BW (2022), S. 819.
- ↑ Statistisches Bundesamt: Bodenfläche nach Art der tatsächlichen Nutzung - Stichtag 31.12. - regionale Tiefe: Gemeinden, Samt-/Verbandsgemeinden (bis 2011)
- ↑ Neidenstein (Rhein-Neckar-Kreis, Baden-Württemberg, Deutschland) - Einwohnerzahlen, Grafiken, Karte, Lage, Wetter und Web-Informationen. Abgruefen am 27. Juli 2023.
