NC Girls

NC Girls係一隊香港已經解散咗嘅女子組合，成員包括陳海恆、林寄韻同埋丘凱敏，三個人都係新城電台DJ出身。

成員

丘凱敏

内文：丘凱敏

組合解散之後，佢轉型做電視節目主持，包括音樂、資訊同埋籌款節目。去到2012年佢同銀行家老公結婚之後就淡出咗。

林寄韻

内文：林寄韻

林寄韻喺1986年拍攝可口可樂電視廣告而入行，係音樂人黎小田嘅新抱。淡出後曾經同唔少時裝同生活雜誌寫文，以活躍文字媒體為主，亦曾經同香港風水師傅李居明一齊主持香港商業電台節目《潮爆開運王》。喺2008年，佢同黎小田獨仔黎兆斌結婚。

陳海恆

陳海恆（Dolphin Chan）曾經喺黃秋生自編自導自演電影入面《新房客》擔當女主角，飾演黃秋生個妹，當年同黃秋生更傳出緋聞。但之後佢並無喺娛樂圈作好長線嘅發展，只係拍過五套戲同一啲內地劇集。