籽

  「種子」跳轉到呢度。假如你想揾嘅係BT用到嘅種子，請睇「種子檔」。

籽（zai2），又叫核（wat6）、果核、種子，係種子植物胚珠受精後生出嚟嘅結構，多數喺果入面，用嚟繁殖下一代。

菜豆籽

結構

一般植物嘅籽係由籽皮、胚同胚乳三部分組成。其中：

• 籽皮——籽嘅鎧甲，可以保護籽。
• 胚——植物雛形，植物最緊要部分。
• 胚乳——籽集中養料嘅地區。

分類

籽按葉數唔同可以分成單子葉同雙子葉兩個細嘅家族。

• 單子葉植物——凈得一隻葉嘅植物
• 雙子葉植物——有兩隻葉嘅植物。

而有啲植物冇胚乳，養分都儲嗮喺葉度，而養分按物種嚟定。

紀錄

籽嘅壽命長短同嘥士都差好遠，有啲籽嘅命好長，成千年都有（例如蓮花嘅籽）；但有啲籽嘅命好短，得幾個禮拜（例如橡膠樹、柳樹嘅籽）。而最大嘅籽唔單止嘥士大，甚至都幾重下（例如椰子嘅籽）；而最細嘅籽嘥士唔單止細到要用顯微鏡先至睇到，甚至凈得幾微克到（例如斑葉蘭嘅籽）；

發芽

籽可以用由風力、自力、水力或者動物散播到第啲地方。有啲成熟兼有生命力嘅籽即使有水、氧、溫度等一系列啱嗮發芽條件都唔發芽，呢種現象叫籽瞓覺。大多數野生草木嘅籽都有明顯瞓覺嘅情況，而作物嘅嘅籽就乜。唔同植物嘅籽，瞓覺時間長度都唔一樣。

有關嘅書

• 中国少年儿童百科全书 自然·环境 第392页　浙江教育出版社 ISBN 7-5338-1946-2/G·1942