Aldjereye

L' Aldjereye, c' est on payis d' Afrike bijhrece, avou ene coisse sol Mîtrinne Mer å Nôr, eyet des frontires avou l' Tunizeye å Nôr-Ess, li Libeye a l' Ess, li Nidjer å Sud-Ess, li Mali eyet li Moritanreye å Sud-Ouwess, eyet li Marok a l' Ouwess.

Li mwaisse-veye est Aldjî.

Li prezidint do payis est Abdelmadjid Tebboune.

Aldjereye
Drapea	Åres nåcionåles
Imne nåcionå: Kassaman
Mwaisse-veye	Alger
Lingaedje oficir	Arabe
Sitindêye • totåle	2 381 741 km²
Populåcion • totåle	46,164,219 dimorants 19.4 djins/km²
Dislaxhaedje	3 djulete 1962
Tchîf d' estat	Abdelmadjid Tebboune
Prumî minisse	Sifi Ghrieb
Manoye	dinar algérien
Coisse d' eure	UTC+01:00
Preficse telefonike	+213
Dominne internete	.dz
I gn a so les cmons Wikipedia des imådjes ou fitchîs son a vey avou Aldjereye

Istwere

Tins del geure di 40, gn a yeu dlé Waradinne (Oran) li batreye di Mers-El-Kebir. Li macsådaedje di Stif åreut stî l' prumî åke do dislaxhaedje do payis.

L' Aldjereye s' a dislaxhî del France après sacwantès anêyes di guere, avou les acoirds d' Évia e 1962. Li FLN (Front di Liberåcion Nåcionåle Aldjeryin) est todi å pouvwer (2002) mågré ene instabilité politike k' i gn a.

Lingaedjes

Li lingaedje oficir est l' arabe, mins i gn a bråmint di djins ki cåzèt l' berbere et ki rclamèt leus abondroets linwistikes.

L' Aldjereye est li deujhinmme pus grand payis d' Afrike pal sitindêye, djusse après li Soudan. Li sud do payis comprind ene grande pårteye do dezert do Sara.

L' Aldjereye est on impôrtant produjheu di petrole ey est mimbe di l' OPEP.

Provinces

L' Aldjereyee est pårteye e 48 provinces ou wilayas:

Adrar Ain Defla Ain Temouchent Aldjî Annaba Batna Bechar Bejaia Biskra Blida Bordj Bou Arreridj Bouira Boumerdes Chlef Constantine Djelfa El Bayadh El Oued El Tarf Ghardaia Guelma Illizi Jijel Khenchela

Laghouat Mascara Medea Mila Mostaganem M'Sila Naama Waradinne (Oran) Wargla (Ouargla) Oum el Bouaghi Relizane Saida Setif Sidi Bel Abbes Skikda Souk Ahras Tamanghasset Tebessa Tiaret Tindouf Tipaza Tissemsilt Tizi Ouzou Tlemcen

Economeye

Li petrole eyet l' gåz naturel sont les principås sourds di rivnous. L' Aldjereye a-st ene des pus grandes riseves di gåz sol Daegn. Mins nerén, li payis a-st ene nouzome difoûtrinne desse.

Djins

A pô près 90 % des Aldjeryins vikèt e nôr, près del mer, et a pô près 1,5 miyon di Bedwins vikèt e sud, e dezert.

Rilomés Aldjeryins

• Politikîs
  • Ahmed Boudiaf
  • Ali Bel Haj
  • Chadli Ben Djedid
  • Howari Boumedienne
• Sportifs
  • Noredin Mortelli
• årtisses
  • Cheb Xhaled
  • Cheb Mami
  • Younes Maatoub
• sicrijheus
  • Salah Guemrich
• Francès di stoks aldjeryins :
  • Amel Bent
  • Zindin Zidan

Hårdêyes divintrinnes

• "Eviè Nonne, ene ramexhnêye di noveles ki sacwantès si pasnut e l' Aldjereye
• Sara Coûtchantrece