Loimaa

Loimaa (mugažo suomen i ročin kelil, suomen virkand: [ˈloimɑː], ročin istorine: Loimijoki) om Suomenman lidn da lidnankund Suvipäivlaskmaine Suomenma-agjas. Se om agjan kudenz' lidn eläjiden lugun mödhe üks'toštkümnespäi.

Loimaa

Lidnanznam
Valdkund	Suomenma
Eläjiden lugu (2024)	15,334 ristitud
Pind	851,85 km²
Pämez'	Jari Rantala (tal'vku 2008—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Eländpunktan aluz om pandud 14. voz'sadal vai sen aigemba, Loimaa mainitase vspäi 1439. Raudte tuli Loimaaha vl 1876, i panihe nügüdläižen lidnan alust. Municipalitetan aluz om pandud vl 1921. Tal'vsodan aigan (1939−1940) venäkel'žed ortodoksižed eläjad oliba sirtud sihe Karjalan kaglusen Krasnosel'skoje-žilospäi (suom.: Kyyrölä). Loimaa-kund sai lidnan statusad vl 1969. Ühtištadihe lidnad ümbärdajanke Loimaan kundanke vl 2005, Alastaro- i Mellilä-kundoidenke vl 2009.

Loimaa šingotase ühthekeitandan mašiništon tehmižel, plastmasstegesiden edheotandal, turizmal.

Geografijan andmused

Lidn sijadase agjan pohjoižpäivnouzmaiženno röunanno, Loimijogen hural randal tobjimalaz (suom.: Loimijoki 114 km pitte, Kokemäenjogen hura ližajogi).

Matkad agjan Turku-keskushesai om 65 km suvipäivlaskmha avtotel. Matkad Hel'sinkihesai om 128 km suvipäivnouzmha orhal vai 150 km avtotedme. Lähembaižed lidnad (avtol) oma Forss (Kanta-Häme) 37 km päivnouzmha, Somero 43 km suvipäivnouzmha i Huttinen (Sadakund) 50 km lodeheze. «Turku — Tampereh»-mante läbitab lidnad.

Vn 2020 andmusiden mödhe lidnankundan ühthine pind om 851,85 km², sidä kesken kuivma — 848,06 km², vezi da sokaz ma ottas 3,79 nellikkilometrad.

Tobmuz

Loimaan municipaline suim kogoneb 37 ezitajaspäi, valitas heid nelläks vodeks.

Eläjad

Vl 1980 lidnankundan eläjiden lugu oli 18 612 ristitud (kaikiš suremb ristitišt), vl 2000 — 17 585 ristitud, vl 2010 — 16 916 ristitud, vl 2020 — 15 843 ristitud.

Mamankelen mödhe (2016): suomen kel' — 97,0 %, ročin kel' — 0,2 %, toižed keled — 2,8 %.

Professionaližen opendusen aluzkundad oma Loimaan profkolledž i muzikkolledž.

Galerei

• 
  Tobmuden pert' Hirvikoskiš, Loimaa (2016)
• 
  Kanta-Loimaan jumalanpert', vn 2017 nägu
• 
  Suomen maižandusen Sarka-muzei vl 2014
• 
  Hirvihovi-sportkeskuz (2016)
• 
  Loimaa-raudtestancijan sauvuz vl 2006

Irdkosketused

• Lidnan ohjastusen sait (loimaa.fi). (suom.)