Škoder
Škoder (alb.: Shkodër [ˈʃkɔˈdəɾ] i Shkodra) om lidn Albanijan lodehes. Se om valdkundan videnz' lidn eläjiden lugun mödhe, Škoderan agjan administrativine keskuz.
Lidnanznam
| Flag |
| Valdkund | Albanii |
| Eläjiden lugu (2023) | 61,633 ristitud |
| Pind | 16,46 km² |
 | |
| Pämez' | Benet Beci (kezaku 2023—) |
| Telefonkod | +355-(0)22 |
| Aigvö | tal'vel UTC+1, kezal UTC+2 |
Istorii
vajehtaŠkoderan lidnusen (alb.: Kalaja e Shkodrës) aluz om pandud 4. voz'sadal EME illirižel labeatad-heimol. Lidnusen ruinad oma kaičenus hüvin läz nügüd'aigašt lidnad. Legion seižui siš Rimalaižen imperijan tobmuden aigan, i lidnan nimi libui latinan scutarii-sanaspäi «kaičijad». Keskaigan lidn mülüi serban Dukl'-valdkundha, sid' Rašk- i Zet-valdkundoiden territorijha. Vl 1479 turkad anastiba lidnad, i Ottomanan imperijan aigan se oli regionan znamasižeks keskuseks. Albanijan ezmäižed aiglehtesed oma paindud neciš lidnas.
Škoder šingotase mašinansauvomižel, elektronikan pästandal, tekstilin tehmižel, sömtegimištol.
Geografijan andmused
vajehta
Lidn sijadase agjan päivlaskmas, ühtennimižen Škoder-järven randal, kaks'kümnes kilometras Adriatižen meren randaspäi, 13 m ü.m.t. keskmäižel korktusel.
Matkad Tiran-pälidnhasai om kahesakümne kuz' kilometrad suvhe orhal vai 95 km avtol, Mustmägin röunhasai om 14 km lodeheze.
Eläjad
vajehtaVn 2011 Albanijan rahvahanlugemižen mödhe lidnfartaliden eläjiden lugu oli 77 075 ristitud, vn 2023 — 61 633 ristitud. Kaikiš suremb lidnan ristitišt oli 83 598 eläjad vl 2001. Vl 2011 kaiken municipalitetan ristitišt oli 135 612 eläjad 872,71 km² pindal, agjan kaks' koumandest, vn 2023 — 102 434 eläjad.
Eläjiden levitadud religii om katoline jumalankodikund i islam.
Škoderan universitet Luid' Gurakučin nimed[1] (alb.: Universiteti i Shkodrës "Luigj Gurakuqi") radab lidnas vspäi 1991. Se om sätud pedagogižen üläškolan alusel, kaik kuz' fakul'tetad i 11 tuhad üläopenikoid oli 2008/2009-openduzvodes.
Edeline lidnan municipalitetan pämez' om Bardh Spahia.
Galerei
vajehta
Lidnan tobmuden sauvuz (keväz'ku 2019)
Lidnan pämečet', vn 2025 kezakun nägu
Grand Hotel Europa vl 2014
Škoderan päraudtestancijan olend vl 2014
Homaičendad
vajehta- ↑ Škoderan universitetan sait (unishk.edu.al). (alb.) (angl.)
Irdkosketused
vajehta| Škoder Vikiaitas |