Enoh

Enox (ibroniycha: חֲנוֹךְ‎ — Ḥanokh; yunoncha: Ἑνώχ — Henox) — Muqaddas Tavrot, Bibliya va Injilda tilga olingan shaxs boʻlib, Nuh toʻfonidan avvalgi davr patriarxlaridan biri hisoblanadi. U Yaredning oʻgʻli va Matushalaxning (Mutu’shalax) otasi boʻlgan. Enox Ibroniy Injilidagi toʻfondan oldingi (Antediluvian) davrida yashab oʻtgan.

Enoh
Otasi	Yared

Genesis (Tavrot) kitobiga koʻra, Enox 365 yil yashagan va soʻngra Xudo tomonidan olib ketilgan. Yozilishicha „Enox Xudo bilan yurdi. Keyin u yoʻq boʻldi, chunki Xudo uni olib ketdi“ (Ibtido 5:21–24) deb yozilgan. Bu soʻzlar baʼzi yahudiy va nasroniy anʼanalarida Enoxning tiriklayin jannatga koʻtarilg deb ishoniladi. Boshqa talqinlarda bu holat boshqacha izohlanadi.

Enox yahudiy va nasroniy anʼanalarida keng tilga olinadi. U „Enox kitobi“ muallifi deb hisoblanadi. Yangi Ahdda — Luqo Injili, Ibroniylarga maktub va Yahudo maktubi — Enox nomi eslatib oʻtiladi. Ayniqsa, Yahudo maktubida „Enox kitobi“dan toʻgʻridan-toʻgʻri iqtibos keltiriladi.

Enox Rim-katolik cherkovi, Sharqiy pravoslav cherkovi va Sharqiy monofizit cherkovlari tomonidan muqaddas aziz sifatida eʼzozlanadi.

Etimologiya

Enox (ivritcha: חֲנוֹךְ — Ḥănōḵ) nomi borasida bir nechta etimologik talqinlar mavjud. Iskandariyalik Filo bu nomni ivritcha ḥēn („marhamat“, „inoyat“) soʻzidan kelib chiqib, „sening inoyating“ mazmunida izohlagan. Ierom esa uni ḥ-n-ḵ feʼlidan kelib chiqqan, yaʼni „tarbiyalamoq“, „bagʻishlamoq“, „tantanali tarzda boshlamoq“ maʼnolariga ega deb hisoblagan hamda nomga „bagʻishlangan“ degan maʼnoni yuklagan.

Zamonaviy tadqiqotchilar tomonidan „izdoshi“, „tayinlangan / inauguratsiya qilingan“, shuningdek „donishmand“ yoki „zerk“ kabi maʼnolar ham taklif etilgan .

Tashqi havolalar

• Enoch — Britannica ensiklopediyasi
• Enoch kim? — GotQuestions.org saytidagi diniy tahlil