meli

o lukin e nimi ni lon lipu nimi: nimi:meli

lipu ni li toki ala e lipu “nasin mama awen”.

meli li jan lon nasin meli. ona li kule jan. ona li lili la, ona li meli lili. kulupu mute en tenpo mute la, meli li jo e nasin mama awen. taso, meli tonsi li lon. kin la, jan li ken tonsi meli pi kon pi meli lili.

tenpo mute la sitelen ni pi jan sewi Wenu li sitelen meli.

kule meli jan

jan la meli kule li toki e ni tawa kulupu: "mi meli". tenpo mute la ona li meli sijelo tan tenpo pi kama lon. taso tenpo ante la, ona li meli tonsi. ken la ona li meli e sijelo. ken la ala. ken la nimi "meli" li suli tawa ona. ken la ala.

kulupu jan en nasin jan

nasin meli li ante lon kulupu jan ante.

tenpo mute pi kama lon la kulupu li pana e jan sin lon kulupu meli anu kulupu mije. ni la tonsi li ken lon kulupu ike. ona li kama suli, la ona li ken ante e ni.

kulupu pi ma Elopa la meli mute li jo e linja lawa suli e len noka open e len kule mute. ni li nasin meli tawa kulupu ni. tenpo mute la kulupu li toki e ni tawa meli: "nasin wan li pona tawa meli. meli o wile e ni." taso tenpo ni la meli li ante e nasin ni, li kama jo e linja lili, e len noka linja, e len kule ala.

kulupu mute pi nasin sewi Isilami la meli o len e linja lawa anu lawa ale. jan ante li ken ala lukin e ni. taso kulupu ante la ala.

kin la kulupu li pana e sona ante tawa meli, tawa mije, li toki ala lon ken tonsi.

kulupu mute la nasin pi lawa mije li ike tawa meli. nasin pi wawa meli li alasa ante e ni.