Vilddas
Vilddas (anarâškielân Viildâs) lii etnomuusikjuávkku, mon vuáđudii sämmilâš-syemmilâš etnomusikolog Annukka Hirvasvuopio já syemmiliih etnomusikologeh Mikko Vanhasalo já Marko Jouste Tamperest ive 1997.[1][2] Juávkku čuojât jieijâslágán juáigus já nuorttâmuusik ovtâstume.
Historjá
muteSij kuulmâs lijjii teivâm Tampere ollâopâttuv aalmugärbivyevi lájádâsâst já smiettii maht oroččij, jis Jouste já Vanhasalo čuojâttiččijn ud-sraŋgâčuojânâs já ney-huuilâ já Hirvasvuopio juoigâččij siämmáá pittáást.[1] Sii vuossâmuš konsert lâi siämmáá ive skammâmáánu 26. peeivi Tamperest Kulttuurtáálu Telakkast.[1]
Vuossâmuš skiärru almostui roovvâdmáánu 31. peeivi 2000[1], já tot lâi miänástus.[3] Čuávuvâš skiärru Háliidan almostui ive 2003.[4] Ive 2005 Vilddas čuojâttij Ijâttes ijjâ -festivaalist. Kuálmád já tassaažân majemuš skiärru Silbabárut almostui skiärualmostittemkonsertist Sajosist kesimáánu 23. peeivi 2012. Siämmáá eehid juávkku čuojâttij meiddei Hooteel Kollehovist.
Jesâneh
muteAalgâst lijjii tuš kulmâ jeessân: Annukka Hirvasvuopio, Mikko Vanhasalo já Marko Jouste. Juávkku kuittâg tarbâšij lase musikkárijd. Vilddas-juávhu lasseen Vanhasalo čuojât meid Slobo Horo -juávhust[5], mast seervâi Vilddas-juávkun vist rumbal Karo Sampela.[1] Muádi ive maŋa Slobo Horost seervâi meid nubbe jeessân: Risto Blomster.[1] Časkemčuojânâsâi čuojâtteijee Ari Isotalo lâi motomin fáárust Sampela sajasâžžân, mut kiđđuv 2001 sust šoodâi muusikjuávhu fastâ jeessân.[1]
- Annukka Hirvasvuopio, lávlum já juoigâm
- Marko Jouste, kiitaar
- Mikko Vanhasalo, klarinet, saksofon, huilâ
- Ari Isotalo, rumbu, časkemčuojânâsah
- Karo Sampela, rumbu, časkemčuojânâsah
- Risto Blomster, basso, časkemčuojânâsah
Kuálmád albumist Silbabárut fáárust lááin meiddei Anna Näkkäläjärvi, kii čuojâttij skiärust klarinet já kuoskâttâsčuojânâsâid, já Pekko Käppi, kii čuojâttij vuoptâkaddâlâs já viivlu.[6]
Diskografia
muteKäldeeh
mute- 1 2 3 4 5 6 7 Vilddas: History. Vilddas. Čujottum 14.1.2021 (eŋgâlâskielân)
- ↑ Lehtola, Jorma. 2007. Laulujen Lappi: tarinoita haavemaasta. Kustannus-Puntsi: Jyväskylä. s. 344–345. Čujottum 14.1.2021 (suomâkielân)
- ↑ Valjus, Kati. Music is a microcosm of the Sámi world. Oulu ollâopâttâh. 16.5.2020. Čujottum 14.1.2021 (eŋgâlâskielân)
- ↑ Vilddakselta toinen musiikkilevy. Yle Säämi. 26.3.2008. Čujottum 14.1.2021 (suomâkielân)
- ↑ Ylönen, Mia. Tutkija puhdistaa humpan mainetta. Helsingin Sanomat. 19.6.2006. Čujottum 14.1.2021 (suomâkielân)
- ↑ Silbabárut Fikka. Čujottum 29.6.2026. (suomâkielân)
- ↑ Vilddas Finna. Čujottum 29.6.2026. (orjâlâškielân)
- ↑ Háliidan Finna. Čujottum 29.6.2026. (orjâlâškielân)
- ↑ Vilddas Tuupa Records. Čujottum 29.6.2026. (suomâkielân)
- ↑ Vilddas Finna. Čujottum 29.6.2026. (orjâlâškielân)
- ↑ Go moai leimme mánat / Ohcejohka MusicBrainz. Čujottum 29.6.2026. (eŋgâlâskielân)