Braunwald
Braunwald lii oovdiš kieldâ Glarus kantonist Sveeicist. Ive 2024 loopâst Braunwaldist assii 267 olmožid. Kieldâ vijđodâh lâi 10,19 km². Braunwald lii uccâ autottes siijdâš, kuus ij lah luoddâ já piäsá tuše várádâhjunáin. Braunwald várádâhjunásajattâh lii 1 256 m merâtääsi paajaabeln.[3]
| Braunwald oovdiš kieldâ |
|
|---|---|
 Glarus Aalpah (kove lii valdum Braunwaldist) |
|
 vaakun |
|
  Braunwald |
|
|
Koordinaateh: |
|
| Staatâ |
 Sveicci |
| Kanton |
 Glarus |
| Tááláš kieldâ | Glarus Süd |
| Vuáđudum | 1939[1] |
| Lopâttum | 31.12.2010 |
| Vijđodâh | 10,19 km² |
| Alodâh | 1 256 m |
| Ässeeloho | 267[2] (31.12.2024) |
| Ässeesaahâdvuotâ | 26,2 ässed/km² |
| Äigi | UTC+1 |
| – kesiäigi | UTC+2 |
| Kieldânummeer | 1603 |
| Postânummeer | 8784 |
| Sundenummeer | 055 |
 Braunwald kieldâ |
 Glarus kanton |
Historjá
muteBraunwald vuáđudui ive 1421, mut aalgâst tobbeen lijjii ässeeh tuše keessiv. Esken 1700-lovvoost ulmuuh asâškuottii Braunwaldist pirrâ ive. 1800-lovvoost tohon huksejii pegâlmâs puáráttuv, mast ellii ennuv riges ulmuuh. Rakânâs lii vala kiävtust, mut tääl tot lii vajoidittempyecceiviäsu. Várádâjunárađe poođij ive 1907, mon maŋa šoddii motomeh hotelleh. Onnáá peeivi Braunwaldist láá meiddei maaŋgah luámutááluh, main Zürichist já ton kuávlust ässee ulmuuh viettih rijjâääigis. Taan keežild Braunwald ässeeloho lii merhâšitteht aaleeb luámupoojij ääigi.
Ive 1725 rääjist ovtâskâs perruuh assii pisovávt Braunwaldist. Braunwald škovlâ vuáđudui ive 1841, já tot finnij jieijâs rakânâs ive 1857.[1]
Kieldâlahtem
muteBraunwald kieldâ lopâttui ive 2010 loopâst, ko Betschwanden, Braunwald, Elm, Engi, Haslen, Linthal, Luchsingen, Matt, Mitlödi, Rüti, Schwanden, Schwändi já Sool kieldah lahtojii oohtân já šoodâi uđđâ Glarus Süd kieldâ. Uđđâ kieldâst ääsih 9 849[2] olmožid (31.12.2024), já ton vijđodâh lii 430,03[4] km2.
Viehâdâh
mute
Eennâmtieđâ
muteFáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Braunwald.
- Glarnerland (eŋgâlâskielân)
- Braunwald (saksakielân)
Käldeeh
mute- 1 2 3 Marti-Weissenbach, Karin: Braunwald Dizionario storico della Svizzera. Čujottum 6.10.2020. (italiakielân)
- 1 2 3 Einwohnerzahlen glarus-sued.ch. Čujottum 1.7.2025. (saksakielân)
- ↑ Braunwald Mapcarta. Čujottum 18.12.2024. (eŋgâlâskielân)
- ↑ Flächenvergleich Gemeinde Glarus Süd. Čujottum 17.12.2021. (saksakielân)
- ↑ Top 10 snowiest ski resorts - Europe Weathertoski. Čujottum 17.12.2021. (eŋgâlâskielân)