Adlis n ismawn

Iga udlis n ismawn (s Taɛrabt: كتاب الأسماء) yan umawal Amaziɣ da yura Ibn Tunart, ig amzwaru ɣ imawaln iɛrabn-imaziɣn n ugraw n Arsène Roux, ittyawdɣas ɣ tsdlist n MMSH lli illan ɣ Aix-en-Provence: ittyara ɣ tasut tis 12. Imawaln ad llan afad ad sisn swurin inzzurfa d imassann n uzrf ɣ tirra n igamman n taysi (zun d amdya n imudar grdnin), d win littihal, d wiyyaḍ. Mln ula ad gin yat twisi i iḍbibn d iḍlmaṣn, d id bu isafarn.

Tugdimin n warra

Llant kraḍt tugdimin n udlis ad:

Yan warra idɣsn ɣ Laydn: MS Or. 23.333; irwas is d nttan ad akkʷ igan aqbur, d walli akkʷ gisnt imdan.

Sin warratn llan ɣ tsdawit n Laydn: MS Or. 23.348 MS Or. 23.334;

Sin warratn llan ɣ MMSH n Aix-en-Provence: MS 88a d MS 88b, d yan ifrsi ɣ Laydn: MS Or. 23.329.

Tikccumin n umawal, iẓḍar ad mgalant sɣ yat tugdimt s ṭayyaḍ.