ChiWriter
ChiWriter (Чи райтер), то комерциялни наукови ушорйовач текста (текстпроцесор) за MS-DOS, хтори креировал Кай Хорстман 1986. року. Бул то єден зоз перших WYSIWYG текстпроцесорох хтори могли виписовац математични формули, аж и на IBM PC XT рахункарох. WYSIWYG скраценє анґлийского виразу What You See Is What You Get цо у прекладу значи же цо видзиш – тот и достанєш. Хаснує ше у рахункарстве зa описованє програмох котри вирно приказую яки будзе крайнї продукт уж под час пририхтованя.
Основна идея ChiWriter-а тота же би хаснователь могол додац линиї понад лєбо попод хвильковей линиї текста (за половку висини основней линиї) и ту могол писац текст. Додатни линиї ше третирую як часц основней линиї текста. Тото мож хасновац за креированє индексного и експонентного текста, як и зложенших формулох як цо розламки. У комбинациї зоз можлївосцу хаснованя вецей фонтох нараз (до 20), уключуюци и тоти хтори потримую гречески алфавит, кирилски азбуки и математични символи, ChiWriter олєгчал писанє математичних текстох. Кажди фонт ма исти фиксни димензиї, алє доступни розлични сети (комплети) за розлични виходни пошореня (наприклад, фонти нїзкей резолуциї за екран и фонти високей резолуциї за друковачи (принтери)). Хаснователє можу ручно креировац векши обєкти (як цо то сума и интеґрал) хаснуюци вецей символи за кажду часц обєкта.
У фонт едитору ше могло прилагодзовац фонти, алє и правиц цалком нови. У матрици 8х8, або 8х12 пиксели (точки) ше зоз „палєньом” одредзених пикселох рисовало випатрунок букви або символа. Фонти за матрични принтер ше правело на исти способ, з тим же матрица була 16x16 або 16x24 пиксели.
Випатрунок буквох креированих у Фонт едитору у резолуциї за принтер и за екран
ушориц-
Буква Ю -
Буква ю -
Буква Щ -
Буква Щ -
Буква ж
У тим програму пририхтани обидва томи Сербско-руского словнїка др Юлияна Рамача, Ґраматика за ґимназию и велї учебнїки як и кнїжки НВУ „Руске слово” з тим же су нє друковани на матричним принтеру алє су конвертовани за преламованє у Вентури.
Чи райтер ше хасновало до конца ХХ вику по виходзенє Microsoft Windows-а 3.1 зоз векторскима фонтами.
Вонкашнї вязи
ушориц
