ကာမေသုမိစ္ဆာစာရ

မေထုန်ဝသီ–မေထုန်ဝထု-၌ ယုတ်မာစွာ ကျင့်ခြင်း။ ကာမေသုမိစ္ဆာစာရရေ တရားကိုယ်ကား မေထုန်မှီဝဲလိုအနိန်နန့် ကာယ ကံမြောက် မလားလာထိုက်ရေသူ၌မှီဝဲလွန် ကျူးကြောင်း စေတနာတည်း။

ကာမေသုမိစ္ဆာစာရ ကံမြောက်စီရေ အင်္ဂါ (၄) ချက်

(၁) မလားလာအပ်ရေ မမာ့ဖြစ်ခြင်း။
(၂) ထိုမမာ့ကို မှီဝဲလိုရေ စိတ်ဟိခြင်း။
(၃) မှီဝဲရန်လုံ့လ ပြုခြင်း။
(၄) သာယာခြင်း။
ကျူးလွန်ရာမာ အထက်ပါအင်္ဂါ (၄) ရပ်စလုံးနန့်ကိုက်ညီပါက ကာမေသုမိစ္ဆာစာရကံ မြောက်ပါရေ။

မလားလာ၊ မကျူးလွန် အပ်ရေ မမာ့ (၂၀)

၁။ မာတုရက္ခိတ = မိခင်အုပ်ထိန်းရေမမာ့။
၂။ ပိတုရက္ခိတ = ဘာဘာအုပ်ထိန်းရေမမာ့။
၃။ မာတာပိတုရက္ခိတ = မိဘနှစ်ပါးလုံး အုပ်ထိန်းရေမမာ့။
၄။ ဘာတုရက္ခိတ = မောင်ကြီးသျှင်၊ မောင်ထွီး အုပ်ထိန်းရေမမာ့။
၅။ ဘဂိနီရက္ခိတ = အစ်မ ညီမ အုပ်ထိန်းရေမမာ့။
၆။ ဉာတိရက္ခိတ = သွီးသားစပ်သူ ဆွီမျိုးအုပ်ထိန်းရေမမာ့။
၇။ ဂေါတ္တရက္ခိတ = အမျိုးအနွယ်က အုပ်ထိန်းရေမမာ့။
၈။ ဓမ္မရက္ခိတ = တရားကျင့်ဖော် အုပ်ထိန်းရေမမာ့။ ဒေရှစ်ဦးရေ မမာ့ရို့ကား အပျို တိရာဖြစ်တေ။ ကာမပိုင်လင်ယောက်ျားမဟိ၊ စောင့်ရှောက်သူသာ ဟိရေ။ ယောက်ျားစွာ ထိုရှစ်ဦးရေ မမာ့ရို့နန့် ပျော်ပါးကေ ကာမေသုမိစ္ဆာစာရ ကံမြောက်ရေ။ (ထိုမမာ့ရှစ်ဦးကား ကာမေသုမိစ္ဆာစာရကံ မဖြစ်ပေါ်ပါ၊၊)

၉။ သာရက္ခ = ကိုယ်ဝန်တည်ကပင် မှတ်သားသိမ်းဆည်း ခံရရေ မမာ့။
၁၀။ ဓနက္ကီတ = ဥစ္စာနန့် ဝယ်ယူပေါင်းသင်းနီရေ မမာ့။
၁၁။ ဆန္ဒဝါသိနီ = အလိုတူ၍ ပေါင်းသင်းနီရေ မမာ့။
၁၂။ ဘောဂဝါသိနီ = ဥစ္စာစီးစိမ်အပ်နှံ၍ ပေါင်းသင်းနီရေမမာ့။
၁၃။ ပဋဝါသိနီ = အဝတ်တန်ဆာပီးပြီးကေ ပေါင်းသင်းနီရေမမာ့။
၁၄။ ဩဒပတ္တကိနီ = လူကြီးစုံရာနန့် ပဇပ်ပေါင်းသင်းနီရေမမာ့။
၁၅။ ဩဘဋစုမ္ဗဋာ = ထင်းခြွီ၊ ရီခပ် လုပ်ကိုင်နီရေ မမာ့အား ထိုအလုပ်ကို မလုပ်စီဘဲ ပေါင်းသင်းနီရေမမာ့။
၁၆။ သပရိဒဏ္ဍ = ဒေမမာ့ကို လားလာကေ ဒဏ်သင့်စေဟု မင်းမိန့် ထုတ်ထားရေ မမာ့။
၁၇။ ဒါတောင်ဘရိယာ = ကျွန်လည်း ဟုတ်၊ မယားလည်း ဟုတ်ရေမမာ့ (မယားပြုခံရရေ အကျွန်)
၁၈။ ကမ္မကာရီ = အလုပ်သမားလည်းဟုတ် ၊ မယားလည်းဟုတ်ရေမမာ့ (မယားပြုခံရရေ အလုပ်သူမ)
၁၉။ ဓဇာဟဋာ = မယားအဖြစ်ပေါင်းသင်းခံရရေ သုံ့ပန်းမမာ့
၂၀။ မုဟုတ္တိကာ = ခေတ္တငှားရမ်း ပေါင်းသင်းရေမမာ့။ (လင်းပြန်မ၊ ယောက်ျား တစ်ယောက်က တစ်ပတ်နန့်စေ၊ တစ်လဖြစ်စီ ငွီပီးပြီးကေ ပျော်ပါးနီရေ လင်းပြန်မ ကိုဆိုလိုရေ။ ထိုရက်၊ ထိုလ အတွင်းမာ အခြားယောက်ျား တဦးနန့် ပျော်ပါး ကေ လင်းပြန်မနန့် ပျော်ပါးရေ ယောက်ျားပါ ကာမေသုမိစ္ဆာစာရ ကံမြောက်ရေ။)
( အထက်ပါ မမာ့ (၁၂) မျိုးစွာ ကာမပိုင်လင်ယောက်ျား ဟိရေကြောင့် အခြားယောက်ျား တဦးနန့်ပျော်ပါးကေ နှစ်ဦးစလုံး ကာမေသုမိစ္ဆာစာရ ကံမြောက်ရေ။ )

ထိုကာမေသုမိစ္ဆာစာရကံစွာ သီလ အစဟိရေ ဂုဏ်မဟိရေသူကို လားလာလွန် ကျူးကေ အပြစ်နည်း၍ သီလအစဟိရေဂုဏ် နန့် ပြည့်စုံသူကို လားလာလွန်ကျူးခရေ် အပြစ်ကြီးရေ။

ဥပ္ပလဝဏ်ရဟန္တာထေရီမကို သရစ်လွန် ကျူးမိအနိန်နန့် အသျှင်လတ်လတ်မြီမျိုခံရပြီးကေ အဝီစိငရဲသို့ ကျရရေ နန္ဒလုလင်ဝထုကို ထောက်၍ ဟိတ်ရသူကို သရစ်မိရာမာ အပြစ် ကြီးပုံကို သိလေ ။

ယင်းအပြင်–အဂု ဘုရားသျှင်လက်ထက် ဣသိဒါတောင် ထေရီမစွာ အဆူဆူရေ ရှေးဘုရားသျှင်ရို့ပါး ယောက်ျားဘဝနန့် ပါရမီဖြည့်ပြီး သူဖြစ်လျက် ရွှီပန်းထိမ်စွာဘဝ၌ မိတ်ဆွီယုတ်ကို ပေါင်းဖော်မိအနိန်နန့် သူတပါးဧ့ မယားကို ကျူးလွန်မိလီရေ။ ထိုကံကြောင့် ငရဲဘုံသို့ ကျရောက်ရခြင်း, ငရဲဘုံမှ လွတ်ကေ တိရစ္ဆာန်သုံးဘဝဖြစ်ရပြီးကေသင်းခတ်ခံရခြင်း, ယင်းကနိန်လွတ်ကေ အကျွန်ဝမ်း၌ နပုံး ပဏ္ဍုက်ဖြစ်ရခြင်း အပြစ်တိကို ခံရရုံမျှမက ကျွတ်တမ်းဝင်မည့် ဒေနောက်ဆုံးဘဝမာပင် မမာ့ဘဝနန့် ကျွတ်တမ်းဝင်ရယှာလီစွာ ။

ယင်းအပြင်– ကဿပဘုရားသျှင် လက်ထက် ဗာရာဏသီပြည်၌ သဌီးသားလေးယောက်ရို့စွာ ကဋီလေးဆယ်စီ ကြွယ်ဝကတ်၏၊ ထို သူရို့စွာ ဒါနသီလအစဟိရေ သူတော်ကောင်း တရားရို့ကို မဆည်းပူး မပွါးတိပဲ သူတပါး မယားကိုရာ ဥစ္စာတိစွာပေးလျက် လွန် ကျူးကတ်ကုန်ဧ့၊ ထိုကံကြောင့် သီရေဧ့ အခြားမဲ့၌ အဝီစိငရဲ၌ ခံရရေ၊ ထို၁ရဲမှ လွတ်ကေ ယူဇနာ ခြီာက်ဆယ်ကြီးရေ လောဟကုမ္ဘီ (ကြီးနီအိုး) ငရဲမာအဂေါင်း စောက်ထိုးကျပနာ အနှစ်သုံးရေင်း နစ်မြုပ်ပြီး ပြီးကေ အနှစ်သုံးရေင်း ပေါ်လှာရပြန်ရေ၊ အိုးဝသို့ ရောက်ရေအခါ မိမိရို့မှားခြင်းကြီး မှားမိခကတ်ရေကို အခြင်းသိ ပြောလိုအနိန်နန့် ဒု-သ-န-ရေ-ဟု အက္ခရာ တလုံးစီ ရွတ်မိကေ ပြောလိုရေ ဂါထာ မပြီး မဆုံး တလုံးစီနန့်ပင် ပြီးကေနစ်မြုပ်ကတ်ရပြန်လီရေ။ ဧပိုင် ဆင်းရဲဒုက္ခခံစားရစော်မှာ ကာမေသုမိစ္ဆာစာရကံကြောင့်ပင် ဖြစ်လီရေ။

ဥတုဘောဇနသင်္ဂဟကျမ်းလာ ယောက်ျားစွာ မိမိကျန်းမာရီးအတွက် မေထုန်မမှီဝဲအပ်ရေ မမာ့(၁၄)ဦး

၁။ ဥတုလာနီရေ မမာ့။
၂။ အလိုမဟိရေမမာ့။
၃။ ညစ်နွမ်းရေမမာ့။
၄။ မချစ်ရေမမာ့။
၅။ လင်းပြန်မ။
၆။ အရွယ်ကြီးရေမမာ့။
၇။ ရောဂါညှဉ်းဆဲရေ မမာ့။
၈။ ကိုယ်လက်အင်္ဂါချို့တဲ့ရေ မမာ့။
၉။ ဝမ်းကြီးရေ မမာ့။
၁၀။ ရန်သူ မမာ့။
၁၁။ အင်္ဂါစပ်၌ အနာဟိရေ မမာ့။
၁၂။ လင်ဟိရေ မမာ့။
၁၃။ မိဘ အစဟိရေ အုပ်ထိန်းသူရို့ မနစပ်ရေ မမာ့။
၁၄။ သူတော်မ မမာ့။

သူတပါး သားမယား၊ သူတပါး သမီးပျိုကိုသရစ်လွန်ကျူးခြင်းဧ့ အပြစ်တိ၊ မကောင်းကျိုးတိ

ကာမေသုမိစ္ဆာစာရကံ ကျူးလွန်သူစွာ သီပြီးနောက် အဝီစိငရဲနန့် လောဟကု မ္ဘီ ငရဲရို့မာ ပြင်းထန်စွာ ခံစားကတ်ရရေ။ ငရဲမှလွတ်မြောက်၍ လူ့ဘဝသို့ ရောက်လှာပါကေလည်း ဖော်ပြပါအပြစ်တိကို ခံစားရရေ။

၁။ လူမုန်းများခြင်း။
၂။ ရန်သူတိခြင်း။
၃။ ဝန်လာဘ်လာဘရှားပါးခြင်း။
၄။ ချမ်းသာသုခမှ ကင်းဆိတ်ခြင်း။
၅။ မမာ့ဖြစ်ရခြင်း။
၆။ မ-မဟုတ် ကျား-မဟုတ် ပဏ္ဍုတ်ဖြစ်ရခြင်း။ (ယောက်ျားလျာ ၊ မယူမဖြစ်ရခြင်း )
၇။ အမျိုးယုတ်ဖြစ်ရခြင်း။
၈။ မျက်နှာပျက်အရှက်တကွဲဖြစ်ရခြင်း။
၉။ ခြီလက်အင်္ဂါ မျက်စိ ၊ နား ၊ နှာ ၊ ဣန္ဒြေတိ ချို့ယွင်းသေးသိမ်ခြင်း။
၁၀။ စိုးရိမ်ရေကအားကြီးရခြင်း။
၁၁။ ချစ်သူနန့်ကွဲရခြင်း။
( သူတပါး သားမယား၊ သူတပါး သမီးပျို ကိုသရစ်လွန်ကျူးခြင်း ကိုယှောင်ကြဉ် သူစွာ အထက်ပါ (၁၁)ချက်မှ အပြန်အလှန်အကျိုးကို ခံစားရဖို့။ )

ပဏ္ဍုတ်(၅)မျိုး

၁။ သူတပါး သုတ်ကိုစုပ်ပြီး မေထုန်ပြုလိုစိတ်ကို ပြေပျောက်စီရေ အာသိတ္ထကပဏ္ဍုတ်။
၂။ သူတပါး မေထုန်ပြုစွာကို ကြည့်ရှု့ပြီး မေထုန်ပြုလိုရေ စိတ်ကို ပြေပျောက်စီရေ ဥဿူယပဏ္ဍိုတ်။
၃။ ဝှေးစိ့ထုတ်ခံထားရရေ ဩပက္ကမိက့ပဏ္ဍုတ်။
၄။ လဆန်း၊လဆုတ် တခုခု၌ မေထုန်ပြုကျင့် ရမှ နီသာထိုင်သာဟိရေ ပက္ခပဏ္ဍုတ်။
၅။ ယောက်ျားအင်္ဂါ၊ မမာ့အင်္ဂါ နှစ်မျိုးလုံး ထင်ယှားစွာမပါရေ နပုံးပဏ္ဍုတ်။

ဆက်စပ်ဖတ်ရှုရန်

• မဟာဓမ္မပါလဇာတ်
• ပိဋကတ်သုံးပုံ_သရုပ်စုံအဘိဓာန်
• ပဉ္စသီလဝိနိစ္ဆယ
• ကာမေသုမိစ္ဆာစာရသုတ်
• ကျမ်းဂန်လာ ကာမေသုမိစ္ဆာစာရ အပြစ်တိ
• ကာမေသုမိစ္ဆာစာရအဖွင့်အရ
• ကာမေသု ...
• ဘာသာရီးပြဿနာပေါင်းချုပ်
• ကာမေသုမိစ္ဆာစာရနန့် ဝန်တရား
• ရတနာ့ဂုဏ်ရည်
• သစ္စပါရဂူကျမ်း
• သုတေသနသရုပ်ပြအဘိဓာန်
• ပရမတ္ထဒီပနီ_(ဒုတိယတွဲ)
• ပရမတ္ထသရူပဘေဒနီကျမ်း-ပတွဲ
• ပိဋကတ်သုံးပုံ_သရုပ်စုံအဘိဓာန်