Ukraina Prezidentiniñ Qırım Muhtar Cumhuriyetindeki Temsilсiligi

Temsil, vaqtınca işğal etilgen Qırımda yaşağan Ukraina vatandaşlarına ve içki yer deñiştirgen kişilerge berilgen içtimaiy-gumanitar, medeniy, malümatiy tarzdaki destek ile oğraşa.

Temeli Temsil üstünde olğan Qırım platformasınıñ Milliy ofisi faaliyet köstermekte. Ofis, TİN ile sıq çalışa ve Ukrainanıñ Qırım platforması çerçivesinde qoyğan ğayelerine erişmek içün analitik, mesleatiy ve ekspert destegini bermekte.

Temsil, vaqtınca işğal etilgen Qırım aqqında yañlış malümatqa qarşı davrana ve bir mevzu üstünde aktual malümat berip, öz ve ortaq malümat ve maarif mahsullarını azırlap ve tarqatıp duşmannıñ propagandasına qarşı areket ete.

Temsil, vaqtınca işğal etilgen Qırım yarımadasında yaşağan ya da vaqtınca işğal etilgen yerlerden köçip Ukrainanıñ diger regionlarında yaşağan Ukraina vatandaşlarınıñ aq ve serbestliklerini temin etmek içün faaliyet köstermekte.

Vaqtınca işğal etilgen Qırım Muhtar Cumhuriyeti ve Aqyar şeeriniñ işğalden keri qaytarılması ve reintegratsiyası mevzusında devlet politikasınıñ işlenmesinde ve kerçekleştirilmesinde iştirak.

Temsil, milliy sanktsiyalarnıñ semeresini yahşılaştıruvda tevsiyeler işley, yañı sanktsiyalarnı qullanma, ortaq devletlernen beraber istilâcı ülkege qarşı basqını küçleştirme tekliflerini azırlay.