Siegfried Hart
E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.Siegfried Hart (☆ Aruba) ta un drummer, percusionista, compositor, y productor Arubiano.[1]
| Siegfried Hart | ||
|---|---|---|
| Imagen desea: Siegfried Hart | ||
| Informacion basico | ||
| Nacemento | Aruba | |
| Informacion profecional | ||
| Ofishi | drummer, percusionista, compositor, productor | |
| Instrumento | drumset y instrumento di percusion | |
| (en) MusicBrainz-profiel | ||
| [Edita Wikidata] · [Manual] | ||
Bida
editáSiegfried a lanta pariba y pabou di Aruba. Su mayornan a separa ora e tabata chikito, cual a resulta den biba mita di siman na bario di Brasil, y e otro mita pabou banda di RCA. Siegfried a lanta ta scucha musica jazz, principalmente jazz fusion.[2] Na Aruba, Siegfried a desaroya un interes den ritmo y herencia cultural.[3]
Inicialmente, Siegfried a embarca pa un estudio na Berklee College, pero despues di a wordo nenga un total di diesun biaha, el a pone su bista riba North Carolina. Despues di a wordo acepta na North Carolina, Siegfried a confronta cu problemanan tecnico, manera e convertimento di e HAVO-diploma den e sistema Mericano. Hulanda nunca tabata den su plannan, encurasha pa un familiar na Hulanda, el a bay studia International Media & Entertainment Management. Na Hulanda, Siegfried su tocamento di musica a haya prioridad, cua a haci cu scol a sufri.[2]
Siegfried a presenta na festivalnan, cu ta inclui North Sea Jazz Festival y Super Sonic Jazz Festival, y a colabora cu artistanan manera Stanley Clementina, Crudo y Jayh.[3] Na 2025, Siegrfried ta toca cu diescinco diferente banda na Hulanda. E ta varia entre bandanan mas chikito pa algun mas grandi.[2]
Obra
editáSiegfried su obra ta refleha influencianan Afroantiano mientras e ta explora e limitenan y innova su herencia cultural cu formanan musical contemporaneo. [3] El a describi su estilo distincto como "Crioyo Jazz".[4] Siegfried ta toca tur clase di genero musical,[2] pero a desaroya un interes fuerte den musica tradicional di Caribe Hulandes. Na 2022, el a graba e EP titula Hero Cayente cu ta combina musica di tambu cu elementonan di jazz y hip hop,[1] y caminda candela ta simbolisa un forsa transformativo, similar na e tradicion antiano di kima chapi pa refina su zonido.[5][6] Na 2023, el a presenta un piesa, Seú Days, den un compilacion cu varios artista titula Super-Sonic Family II part 1. Riba su debut album, Awa (2025), awa ta sirbi como un metafoor pa sanacion, auto-exploracion, y profundidad emocional.[1]
Discografia
editáEP
editá- Hero Cayente (2022)
Album
editá- Awa (2025)
Fuente, nota i/òf referensia
|